ՆԱՏՕ-ի երկրներն nւժեղացնում են պաշտպանnւնակությունը Ռուսաստանի հետ պшտերազմի դեպքում. Politico

Ռուսաստանի և Բելառուսի հետ սահմանակից ՆԱՏՕ-ի երկրներն ուժեղացնում են պաշտպանունակությունը ռազմական հակամարտության առաջացման դեպքում։ Այս մասին հայտնում է ՏԱՍՍ-ը՝ հղում անելով Politico թերթին։

Հրատարակությունը հիշեցրել է, որ ԱՄՆ գործող նախագահ Դոնալդ Թրամփը սպառնացել էր դուրս գալ դաշինքից Իրանի հետ պատերազմի ավարտից հետո՝ Թեհրանի հետ հակամարտությունում Վաշինգտոնին աջակցելուց եվրոպական դաշնակիցների հրաժարվելու պատճառով։

Նյութում ասվում է, որ Ֆինլանդիան պաշտպանության վրա ծախսում է իր ՀՆԱ-ի գրեթե 3%-ը և, ՆԱՏՕ-ի առջև իր պարտավորություններին համապատասխան, պատրաստվում է մինչև 2035 թվականը այդ ցուցանիշը հասցնել 5%-ի։ Երկրի ռազմաօդային ուժերը առաջիկա ամիսներին ակնկալում են ստանալ ամերիկյան F-35 կործանիչներ։ Չնայած այս միջոցներին՝ ֆիննական զինված ուժերը դեռևս հետ են մնում անօդաչու տեխնոլոգիաների օգտագործման յուրացման գործում։

Լեհաստանն իր հերթին խաղադրույք է կատարում բետոնե արգելապատնեշների, սենսորների, անօդաչու թռչող սարքերի և բանակի արագ ընդլայնման վրա, ինչպես նաև միլիարդներ է ներդնում Կալինինգրադի մարզի և Բելառուսի հետ սահմանների երկայնքով պաշտպանական կառույցներում։ Ընդ որում, առանձին հատվածներում արձանագրվում է ծրագրերի և իրական իրավիճակի միջև անհամապատասխանություն. ամրությունները հայտնվում են, հետո անհետանում, նյութերը մնում են պահեստներում, իսկ տեղի բնակիչները նկատում են շինարարական ակտիվության անկում։

Լիտվան, Լատվիան և Էստոնիան ուժեղացնում են պաշտպանությունը Բալթյան պաշտպանական գծի շրջանակներում՝ ստեղծելով հակատանկային խրամատներ, ականապատ դաշտեր և բունկերներ։ Այս միջոցառումները ներառում են բանակների ընդլայնում, բետոնե արգելապատնեշների կառուցում, անօդաչու թռչող սարքերի օգտագործում, սենսորների տեղադրում և պաշտպանական գծերի ստեղծում։