Հանդիպման վայրը հայտնի է
Աշխարհ
Հայտնի է Ռուսաստանի և ԱՄՆ–ի նախագահներ Վլադիմիր Պուտինի և Դոնալդ Թրամփի հանդիպման օրն ու վայրը։
ՏԱՍՍ–ի հաղորդմամբ, գերտերությունների նախագահների զրույցը տեղի կունենա հուլիսի 7–ին Համբուրգում կայանալիք Քսանյակի խմբի գագաթնաժողովի շրջանակում։ Նախատեսվում է, որ հանդիպումը կկրի «առանձնազրույցի» ձևաչափ։ Այս մասին ՏԱՍՍ–ին հայտնել է ՌԴ նախագահի մամուլի քարտուղար Դմիտրի Պեսկովը։
«Նախատեսվում է լիարժեք հանդիպում», – նշել է Պեսկովը։
Առաջիկա զրույցը կդառնա Պուտինի և Թրամփի առաջին անձնական հանդիպումը։
ՌԴ նախագահի օգնական Յուրի Ուշակովը կանխատեսում է, որ Պուտին–Թրամփ առաջին հանդիպման ժամանակ առաջնորդները հանգամանալից զրույց կունենան։
«Դեռ պարզ չէ, թե որքան կտևի հանդիպումը, սակայն կարծում եմ, որ կլինի բավականին հանգամանալից զրույց, մենք հուսով ենք», – ՏԱՍՍ–ին ասել է Կրեմլի ներկայացուցիչն ու ավելացրել, որ զրույցից հետո մամուլի ասուլիս նախատեսված չէ։
Սպիտակ տանը ևս հայտնել են, որ Թրամփն ու Պուտինը հուլիսի 7–ին կունենան «նորմալ երկկողմ հանդիպում»։
«Նախագահներ Թրամփի և Պուտինի հանդիպումը նախատեսված է ուրբաթ օրվա երկրորդ կեսին։ Կլինի նորմալ երկկողմ հանդիպում։ Այլ մեկնաբանություններ չենք կարող տրամադրել», – հայտարարել են Սպիտակ տան ներկայացուցիչները
1
2
3
4
5
1
3
5
1
2
3
5
