Դեսպաններն անհանգստացած են ՆԱՏՕ-ի ու Եվրամիության հետ Հայաստանի հարաբերությունների հեռանկարից

Լրագիր / ՆԱՏՕ-ի հետ Հայաստանի համագործակցության շարունակման եւ ԵՄ հետ համաձայնագրի նախապատրաստվող ստորագրման կապակցությամբ լուրջ խնդիրնե՞ր են ծագել: Հայաստանը կարո՞ղ է ինքնուրույն որոշել իր արտաքին ու պաշտպանական քաղաքականությունը առանց Մոսկվային նայելու:
Երեկ Երեւանում կայացել է «ՆԱՏՕ-ն Վարշավայից Բրյուսել՝ մարդկային անվտանգության և անվտանգության ոլորտի բարեփոխումները Հայաստանում» խորագրով միջազգային համաժողով, որտեղ Վրաստանում ՆԱՏՕ-ի գրասենյակի ղեկավարի տեղակալ Ռոսարիա Պուգլիսին հայտարարել է, որ Հայաստանը հաջողությամբ կարողանում է համատեղել ՆԱՏՕ-ի հետ ակտիվ համագործակցությունը ՀԱՊԿ-ին անդամակցության հետ: Նա նշել է, որ եթե Հայաստանը ցանկանում է կատարելագործել իր անվտանգության համակարգը, ապա պետք է համագործակցի ՆԱՏՕ-ի հետ:
Այսօր էլ Երեւանում կայացել է «Հայաստանի Հանրապետություն. երկու տարի Եվրասիական տնտեսական միությունում. առաջին արդյունքները» թեմայով կլոր սեղան: Հայաստանի փոխվարչապետ Վաչե Գաբրիելյանը հայտարարել է, որ Հայաստանը ԵԱՏՄ-ին անդամակցությունից բարձր ակնկալիքներ ուներ: Նա նշել է, որ երկու տարվա ընթացքում Հայաստանի ռեսուրսն ավելացել է, ներկրվող ապրանքների գները նվազել են, սակայն կան բազմաթիվ խոչընդոտներ:
2013 թվականին Հայաստանն իրական աշխարհքաղաքական ընտրության առաջ էր, եւ Սերժ Սարգսյանը սեպտեմբերի 3-ին ընտրեց Եվրասիական միությունը՝ դադարեցնելով ԵՄ հետ ասոցացման գործընթացը: Այդ թեքումը քիչ էր մնում Հայաստանի «նավաբեկությանը» հանգեցներ, սակայն անցած 3-4 տարիներին Հայաստանը փորձել է շտկել դրությունը: Արդյունքում, ինչպես նշում է, Ռոսարիա Պուգլիսին, Հայաստանը յուրահատուկ երկիր է դարձել՝ ՀԱՊԿ անդամ, որը համագործակցում է ՆԱՏՕ-ի հետ:
Հարաբերությունները որոշ չափով հավասարակշռվել են, սակայն կարծիք կա, որ դա ձեռք չի տալիս Ռուսաստանին, որը սպառնալիք է տեսնում իր համար: Կան տեսակետներ, որ Մոսկվան փորձում է կրկին թեքել նավակը՝ ստիպելով Հայաստանին արդեն ոչ թե ընտրություն կատարել, այլ հնարավոր է լիովին հրաժարվել ՆԱՏՕ-ի ու ԵՄ հետ համագործակցությունից:

շարունակությունը՝ կայքում