Քննիչներն ու ոստիկանները հանիրավի մեղադրվել են հանցագործությունների կատարման մեջ. ՀՔԾ Քննիչներն ու ոստիկանները հանիրավի մեղադրվել են հանցագործությունների կատարման մեջ. ՀՔԾ

ՀՀ հատուկ քննչական ծառայությունում նոր քրեական գործեր են հարուցվել ՀՀ քրեական օրենսգրքի 333-րդ հոդվածի տարբեր հատկանիշներով` սուտ մատնություններ կատարելու և պաշտոնատար անձանց տարբեր հանցագործությունների մեջ մեղադրելու դեպքերի առթիվ:

Այսպես, քրեական գործերից մեկով ձեռք բերված տվյալների համաձայն, Վանաձոր քաղաքի բնակչուհի Ռոզա Զուլալյանը, նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, ոստիկանության աշխատակիցներին մեղադրել է ծանր հանցագործություն կատարելու` կաշառք ստանալու մեջ: Մասնավորապես, Հատուկ քննչական ծառայությունում հաղորդում է տվել, որ ահազանգել է ՀՀ ոստիկանության Գուգարքի բաժին` հայտնելով ամուսնու կողմից մաքսանենգ ճանապարհով թմրանյութ արտահանելու նախապատրաստության մասին: Սակայն իր ահազանգին օրինական ընթացք չտալու և այդ կերպ ամուսնու մեկնելուն չխոչընդոտելու համար ոստիկանության հիշյալ բաժնի աշխատակիցները նրանից 2000 ռուսական ռուբլի կաշառք են ստացել:

ՀՀ հատուկ քննչական ծառայությունում կատարված քննչական գործողությունների, այդ թվում` հեռախոսազանգերի վերծանումների զննությամբ և վկաների ցուցմունքերով հերքվել են Ռ. Զուլալյանի հաղորդած տեղեկությունները: Ձեռք բերված բավարար ապացույցներով հիմնավորվել է, որ վերջինս, դժգոհ լինելով ամուսնու ՌԴ մեկնելու առիթով, նախաքննական մարմնին գիտակցաբար սուտ տեղեկություններ է հայտնել ինչպես վերջինիս գործողությունների, այնպես էլ ոստիկանների կողմից կաշառք ստանալու վերաբերյալ:

Մյուս քրեական գործը հարուցվել է Դիլիջան քաղաքի բնակիչ Արման Հովսեփյանի կողմից սուտ մատնություն կատարելու դեպքի առթիվ: Վերջինս, դարձյալ նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, քննիչին և ոստիկանության աշխատակիցներին մեղադրել է ծանր հանցագործություն կատարելու մեջ:

Այսպես, Ա. Հովսեփյանը Հատուկ քննչական ծառայությունում հաղորդում է տվել, որ ՀՀ քննչական կոմիտեի Դիլիջանի քննչական բաժնում իր վերաբերյալ քննվող քրեական գործով նախաքննություն կատարող քննիչը կեղծել է իր և գործով հարցաքննված այլ անձանց ցուցմունքները` արձանագրությունների մեջ ներառելով իրականությանը չհամապատասխանող տեղեկություններ: Բացի այդ, հայտնել է, որ նախկին կնոջ ահազանգով իր բնակության վայր ժամանած ոստիկանության Դիլիջանի բաժնի աշխատակիցները ծեծել և մարմնական վնասվածքներ են պատճառել իրեն:

Հիշյալ դեպքի կապակցությամբ ՀՀ հատուկ քննչական ծառայությունում նշանակված փորձաքննությունների, ինչպես նաև իրականացված քննչական և այլ դատավարական գործողությունների արդյունքում ձեռք բերված բավարար ապացույցներով հերքվել են Ա. Հովսեփյանի հաղորդած տեղեկությունները: Պարզվել է, որ վերջինս նախաքննական մարմնին ակնհայտ կեղծ տեղեկություններ է հաղորդել պաշտոնատար անձանց կողմից չկատարված հանցագործությունների մասին:

Վերը նշված երկու դեպքերի` ծանր հանցագործության վերաբերյալ սուտ մատնություն կատարելու փաստերով ՀՀ հատուկ քննչական ծառայությունում քրեական գործեր են հարուցվել ՀՀ քրեական օրենսգրքի 333-րդ հոդվածի 2-րդ մասի 1-ին կետով:

Եվս մեկ քրեական գործ է հարուցվել ՀՀ ԱՆ Նուբարաշեն քրեակատարողական հիմնարկի դատապարտյալ Անդրանիկ Հակոբյանի կողմից սուտ մատնություն կատարելու փաստով: Վերջինս, նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, հաղորդում է տվել, որ ՀՀ քննչական կոմիտեի քննիչն իր վերաբերյալ քննած քրեական գործը դատարան ուղարկելուց հետո այցելել է ՔԿՀ ու պահանջել, որ դատարանում իրեն մեղավոր ճանաչի իր կողմից չկատարված խարդախությունների և գողությունների մեջ` սպառնալով հակառակ դեպքում կալանավորել իր մորը` նույն քրեական գործով ամբաստանյալ Ա. Հակոբյանին:

ՀՀ հատուկ քննչական ծառայությունում կատարված քննչական գործողությունների, այդ թվում` դատապարտյալի անձնական գործի զննությամբ և հարցաքննված անձանց ցուցմունքներով հիմնավորվել է, որ քննիչը դատապարտյալի մատնանշած ժամերին ՔԿՀ չի այցելել, և վերջինս ակնհայտ սուտ տեղեկություններ է հաղորդել տեղի չունեցած հանցագործության մասին` քննիչին հանիրավի մեղադրելով պաշտոնեական լիազորություններն անցնելու մեջ:

Սուտ մատնություն կատարելու հիշյալ դեպքի առթիվ քրեական գործ է հարուցվել ՀՀ քրեական օրենսգրքի 333-րդ հոդվածի 1-ին մասով:

Վերը նշված երեք քրեական գործերով կատարվում է նախաքննություն:

ՀՀ հատուկ քննչական ծառայությունում նոր քրեական գործեր են հարուցվել ՀՀ քրեական օրենսգրքի 333-րդ հոդվածի տարբեր հատկանիշներով` սուտ մատնություններ կատարելու և պաշտոնատար անձանց տարբեր հանցագործությունների մեջ մեղադրելու դեպքերի առթիվ: Այսպես, քրեական գործերից մեկով ձեռք բերված տվյալների համաձայն, Վանաձոր քաղաքի բնակչուհի Ռոզա Զուլալյանը, նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, ոստիկանության աշխատակիցներին մեղադրել է ծանր հանցագործություն կատարելու` կաշառք ստանալու մեջ: Մասնավորապես, Հատուկ քննչական ծառայությունում հաղորդում է տվել, որ ահազանգել է ՀՀ ոստիկանության Գուգարքի բաժին` հայտնելով ամուսնու կողմից մաքսանենգ ճանապարհով թմրանյութ արտահանելու նախապատրաստության մասին: Սակայն իր ահազանգին օրինական ընթացք չտալու և այդ կերպ ամուսնու մեկնելուն չխոչընդոտելու համար ոստիկանության հիշյալ բաժնի աշխատակիցները նրանից 2000 ռուսական ռուբլի կաշառք են ստացել: ՀՀ հատուկ քննչական ծառայությունում կատարված քննչական գործողությունների, այդ թվում` հեռախոսազանգերի վերծանումների զննությամբ և վկաների ցուցմունքերով հերքվել են Ռ. Զուլալյանի հաղորդած տեղեկությունները: Ձեռք բերված բավարար ապացույցներով հիմնավորվել է, որ վերջինս, դժգոհ լինելով ամուսնու ՌԴ մեկնելու առիթով, նախաքննական մարմնին գիտակցաբար սուտ տեղեկություններ է հայտնել ինչպես վերջինիս գործողությունների, այնպես էլ ոստիկանների կողմից կաշառք ստանալու վերաբերյալ: Մյուս քրեական գործը հարուցվել է Դիլիջան քաղաքի բնակիչ Արման Հովսեփյանի կողմից սուտ մատնություն կատարելու դեպքի առթիվ: Վերջինս, դարձյալ նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, քննիչին և ոստիկանության աշխատակիցներին մեղադրել է ծանր հանցագործություն կատարելու մեջ: Այսպես, Ա. Հովսեփյանը Հատուկ քննչական ծառայությունում հաղորդում է տվել, որ ՀՀ քննչական կոմիտեի Դիլիջանի քննչական բաժնում իր վերաբերյալ քննվող քրեական գործով նախաքննություն կատարող քննիչը կեղծել է իր և գործով հարցաքննված այլ անձանց ցուցմունքները` արձանագրությունների մեջ ներառելով իրականությանը չհամապատասխանող տեղեկություններ: Բացի այդ, հայտնել է, որ նախկին կնոջ ահազանգով իր բնակության վայր ժամանած ոստիկանության Դիլիջանի բաժնի աշխատակիցները ծեծել և մարմնական վնասվածքներ են պատճառել իրեն: Հիշյալ դեպքի կապակցությամբ ՀՀ հատուկ քննչական ծառայությունում նշանակված փորձաքննությունների, ինչպես նաև իրականացված քննչական և այլ դատավարական գործողությունների արդյունքում ձեռք բերված բավարար ապացույցներով հերքվել են Ա. Հովսեփյանի հաղորդած տեղեկությունները: Պարզվել է, որ վերջինս նախաքննական մարմնին ակնհայտ կեղծ տեղեկություններ է հաղորդել պաշտոնատար անձանց կողմից չկատարված հանցագործությունների մասին: Վերը նշված երկու դեպքերի` ծանր հանցագործության վերաբերյալ սուտ մատնություն կատարելու փաստերով ՀՀ հատուկ քննչական ծառայությունում քրեական գործեր են հարուցվել ՀՀ քրեական օրենսգրքի 333-րդ հոդվածի 2-րդ մասի 1-ին կետով: Եվս մեկ քրեական գործ է հարուցվել ՀՀ ԱՆ Նուբարաշեն քրեակատարողական հիմնարկի դատապարտյալ Անդրանիկ Հակոբյանի կողմից սուտ մատնություն կատարելու փաստով: Վերջինս, նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, հաղորդում է տվել, որ ՀՀ քննչական կոմիտեի քննիչն իր վերաբերյալ քննած քրեական գործը դատարան ուղարկելուց հետո այցելել է ՔԿՀ ու պահանջել, որ դատարանում իրեն մեղավոր ճանաչի իր կողմից չկատարված խարդախությունների և գողությունների մեջ` սպառնալով հակառակ դեպքում կալանավորել իր մորը` նույն քրեական գործով ամբաստանյալ Ա. Հակոբյանին: ՀՀ հատուկ քննչական ծառայությունում կատարված քննչական գործողությունների, այդ թվում` դատապարտյալի անձնական գործի զննությամբ և հարցաքննված անձանց ցուցմունքներով հիմնավորվել է, որ քննիչը դատապարտյալի մատնանշած ժամերին ՔԿՀ չի այցելել, և վերջինս ակնհայտ սուտ տեղեկություններ է հաղորդել տեղի չունեցած հանցագործության մասին` քննիչին հանիրավի մեղադրելով պաշտոնեական լիազորություններն անցնելու մեջ: Սուտ մատնություն կատարելու հիշյալ դեպքի առթիվ քրեական գործ է հարուցվել ՀՀ քրեական օրենսգրքի 333-րդ հոդվածի 1-ին մասով: Վերը նշված երեք քրեական գործերով կատարվում է նախաքննություն: