Արսեն Գրիգորյանը՝ ընտանիքի, Արմեն Ամիրյանի խորհրդականը լինելու եւ երազանքի մասին

BRAVO.am-ը գրում է.

Ժողովրդական երգիչ Արսեն Գրիգորյանը, նույն ինքը՝ Մրրոն, արդեն երեսուն տարի ապրում ու ստեղծագործում է Հայաստանում։ Նա BRAVO.am-ի հետ զրույցում խոսել է ծննդավայր Ղամիշլիի (Սիրիայի քաղաքներից), մանկության անմոռանալի հուշերի, համերգային շրջագայությունների, մեդալների ու շքանշանների, սիրելի ընտանիքի ու աշխատանքի մասին՝ հայապահպան նոր ծրագրերից մինչեւ Արցախ ու հայկական Գութան:

-Ծնվելով եւ մանկության մեծ մասն անցկացնելով Սիրիայում՝ դժվա՞ր չէր այդքան տարի անց վերադառնալ հայրենիք։

-Այս տարի լրանում է վերադարձիս երեսուն տարին։ Տասնութ տարեկան էի, երբ եկա Հայաստան: Հիշում եմ՝ ինչ անհամբերությամբ էի սպասում դպրոցս ավարտելուն, որ գամ հայրենիք: Հայրենիքիս կարոտը միշտ զգացել եմ։ Ինչ կապված է դժվարությունների հետ, պիտի ասեմ՝ միջավայրի փոփոխության դժվարություններ չառաջացան, որովհետեւ ապրելով օտար հողի վրա, մեր ընտանիքը պահպանում էր հայկական ավանդույթներն ու սովորությունները։ Ասեմ ավելին, այն ժամանակ ես մանկության խաղերից զրկված եմ եղել. ծնողներս չէին թողնում իջնել բակ ու խաղալ, ինչպես մյուս հասակակիցներս, ինչի պատճառով վատ էի զգում, բայց հիմա երախտապարտ եմ նրանց, որովհետեւ այդպես վարվելով կարողացան ինձ, եղբայրներիս ու քույրերիս պահել մեր ինքնության մեջ։ Հայկական միջավայրը պահպանվում էր տան մեջ, դպրոցում, եկեղեցում եւ ամենուր: Ես եղել եմ նաեւ դպիր, մի խոսքով՝ մեր կյանքը հայկականությամբ էր լցված։ Ես ինձ երջանիկ մարդ եմ համարում, քանի որ արդեն երեսուն տարի է՝ ապրում եմ իմ հայրենիքում։

Շարունակությունը՝ այստեղ: