ՆԱՍԱ-ի նախկին ինժեները ստեղծել է ամենահզոր ջրային ատրճանակը (տեսանյութ)
Life
ՆԱՍԱ-ի (Օդագնացության և տիեզերական տարածության հետազոտությունների ազգային գործակալություն) նախկին ինժեներ Մարկ Ռոբերը հավաքել է աշխարհի ամենահզոր ջրային ատրճանակը: Նորույթի ստեղծումը և օգտագործումը ցուցադրող տեսանյութը հրապարակվել է ինժեների YouTube ալիքում և մեկ օրում հավաքել ավելի քան 465 հազար դիտում:
Գիտնականի խոսքով՝ ատրճանակից դուրս եկող ջրի շիթի արագությունը 437 կմ/ժամ է. այն կարող է ձմերուկ և գազավորված ջրի տարա կտրել, ինչպես նաև՝ ապակի ջարդել:
Ռոբերը պատմել է, որ նորույթի աշխատելու սկզբունքը քիչ է տարբերվում սովորական ջրային ատրճանակից: Միակ տարբերությունն այն է, որ խցիկի մեջ օդ լցնելու փոխարեն ինժեները սեղմված ազոտ է օգտագործում:
Նշվում է, որ հայտնագործությունն արդեն գրանցվել է Գինեսի ռեկորդների գրքում՝ որպես աշխարհի ամենախոշոր ջրային ատրճանակ:
1
2
3
4
5
3
4
5
2
4
5
