Վրացական սառը ցնցուղ՝ հայկական երազախաբությունից հետո

1in.am / Նախօրեին հաղորդագրություն տարածվեց, որ Պրահայում ավարտվել է Կարասին-Աբաշիձե ձևաչափով ընթացող ռուս-վրացական բանակցությունների հերթական փուլը, որից հետո կողմերը հայտարարել են բանակցություններում արձանագրված առաջընթացի մասին, ինչը հնարավորություն կտա կարգավորել առևտրային, տրանսպորտային և հումանիտար հարաբերություններն այդ երկրների միջև: Նշվում էր, որ ՌԴ-ի և Վրաստանի ներկայացուցիչները համաձայնության են եկել 2011 թ. նոյեմբերի 9-ին՝ Ժնևում Ռուսաստանի և Վրաստանի միջև ստորագրված «առևտրային միջանցքների մասին» համաձայնագրի կատարման շուրջ:

Դրան անմիջապես հաջորդեց հայաստանյան զանգվածային լրատվամիջոցների արձագանքն առ այն, որ Հայաստանի համար ռեալ հնարավորություն է ստեղծվում Լարսի անցակետին այլընտրանք ունենալու առումով: Հարցի առնչությամբ խոսեց նաև տրանսպորտի և կապի նախարար Վահան Մարտիրոսյանը, շեշտելով, որ մշտական կապի մեջ է ռուս և վրացի գործընկերների հետ այդ ու բազմաթիվ այլ հարցերի շուրջ, իսկ նշված հարցում պատրաստակամություն է նկատել երկու կողմերից էլ: «Ցանկություն կա երկու կողմից էլ, և ինչ-որ մի օր արդյունք կունենանք: Աշխատում ենք բոլորս: Ծանր խնդիր է, ժամկետների մասին պատկերացում չունենք, բանակցությունները ցույց կտան»,- ասաց նախարարը, հույս հայտնելով, որ կգործարկվի Ռուսաստանի և Վրաստանի միջև առևտրային միջանցքն Աբխազիայով և Հարավային Օսիայով»: Այդքանով հանդերձ, նախարարը թեմային չտիրապետող, դասը չսերտած աշակերտի այլայլվածությամբ էր անդրադառնում թեմային վերաբերող հարցերին: Այն տպավորությունն էր, որ նա հարցին տիրապետում է ընդամենը ԶԼՄ-ների տարածած տեղեկատվության մակարդակով:

շարունակությունը՝ կայքում