Խիստ խորհրդակցություն Ոստիկանությունում

Առաջին / Տեղեկություն է տարածվել այն մասին, որ ոստիկանապետ Վովա Գասպարյանը խորհրդակցություն է անցկացրել բարձրաստիճան ոստիկանների մասնակցությամբ և «խիստ» զրույց ունեցել նրանց հետ, սպառնալով պաշտոնանկ անել վատ աշխատողներին: Ոստիկանապետի նմանօրինակ խորհրդակցությունները, համակարգի տարբեր ստորաբաժանումների կամ կոլեգիայի մասնակցությամբ, իհարկե, ամենևին բացառիկ երևույթ չեն նրա աշխատանքային պրակտիկայում և ավելին՝ կազմում են Գասպարյանի «արտիստիզմի» բաղկացուցիչ մաս: Տվյալ պարագայում ուշագրավ է այն, որ «խիստ» զրույցը տեղի է ունենում փաստորեն նախորդ տարի ՊՊԾ գնդի գրավման իրադարձությունների մեկ տարին լրանալու, նաև այդ իրադարձություններին զոհ դարձած երեք ոստիկանների մահվան տարելիցի շեմին:

Ինչպես հայտնի է, հուլիսյան դրամատիկ և ողբերգական զարգացումները տեղի ունեցան հուլիսի 17-ի լուսադեմին: Այս առումով Վլադիմիր Գասպարյանի խորհրդակցությունն ու խիստ զրույցը դառնում է իսկապես խիստ ուշագրավ: Գործ ունենք պարզապես նախադեպից ելնելով որոշակի պրոֆիլակտիկայի, նախապաշարումների՞, թե՞ անմիջականորեն շատ կոնկրետ ռիսկերի գնահատման և բացասական սպասումների հետ: Իհարկե այդ ամենը շատ դժվար է ասել: Մի բան հստակ է, որ հուլիսյան դրամատիկ իրադարձություններից հետո Հայաստանում իրավիճակը և հանրության հոգեվիճակն ու տրամադրություններն ըստ էության չեն ենթարկվել շոշափելի փոփոխությունների, երբ հնարավոր կլինի ասել, որ էապես նվազել է լարվածության ներուժը, հանրային ագրեսիվության աստիճանը և դրանք սնուցող երևույթներն են պակասել:

շարունակությունը՝ կայքում