Յուղոտ պաշտոններ յուրայիններին

Առաջին / Համայնքների խոշորացման ծրագիրը նախատեսվում է ավարտել մինչև 2018թ. մարտ: Թերթերից մեկը նկատել է, որ գրեթե վերականգնվելու են նախկին շրջկոմները: Օրինակ՝ Շիրակի մարզում 10 համայնք է կազմավորվելու, այսօր 79-ն է:

Համայնքների խոշորացման թեմայով շատ ենք լսել կառավարության օպտիմալացման փաստարկները, այն, որ անհրաժեշտ է նպատակային օգտագործել սուղ ֆինանսական և կադրային ռեսուրսները: Ծանոթ ենք նաև հակափաստարկներին, որոնք, եթե ամփոփենք մեկ նախադասությամբ, հանգում են նրան, որ միավորվող համայնքների բնակիչներն ավելի են օտարվում տեղական ինքնակառավարման մարմիններից:

Սակայն ֆորմալ այս փաստարկներից զատ՝ գոյություն ունի տրամաբանություն, որը ենթակա է համակարգային գործընթացներին: Համայնքների խոշորացմամբ տեղի է ունենում համակարգի, այսպես կոչված, ստորին շերտի ֆիլտրում: Համակարգն ազատվում է թույլ և ռեսուրսներով չօժտված գյուղապետերից՝ համարելով, որ նրանք համակարգի համար ավելի շատ բեռ են, քան արժեք ստեղծող, օգուտ բերող:

Մյուս կողմից՝ խոշորացվող համայնքների հանրագումարում ստեղծվում է մեծ միավոր` համայնքապետի սոլիդ պաշտոնով: Դա արդեն «յուղոտ պատառ» է, որով իշխանությունները կարող են վարձահատույց լինել իրենց յուրայիններին, որոնց համար տեղ չի գտնվել խորհրդարանում, կառավարությունում կամ այլ օղակներում: Միևնույն ժամանակ խոշոր համայնքների ղեկավարներն իրենց բյուջեներով և աշխատակազմերով դառնում են իշխանության այլընտրանքային կենտրոններ՝ մարզպետի այսօրվա միանձնյա իշխանությանը հակակշռելու պոտենցիալով:

շարունակությունըը՝ կայքում