«Ամենալավ ռեստորանները հայերինն են, ամենալավ տներում հայերն են ապրում․ այդ որտե՞ղ է ՀՀ քաղաքացիների իրավունքները ոտնահարվում»․ Ա․ Նիկողոսյան

«Առաջին լրատվական»-ի զրուցակիցն է Ռուսաստանի ռազմավարական զարգացման ինստիտուտի գլխավոր տնօրեն Անդրանիկ Նիկողոսյանը:

-Պարոն Նիկողոսյան, Ռուսաստանում ՀՀ քաղաքացիները մտահոգ են Դումայի կողմից օրերս ընդունված «Ճանապարհային երթևեկության անվտանգության» դաշնային օրենքում կատարված փոփոխություններից, ըստ որի, այդ երկրի տարածքում ՀՀ վարորդական իրավունքի վկայականով աշխատող հայաստանցիները տուգանվում են 10 հազար ռուբլով: Ինչպե՞ս եք գնահատում Ռուսաստանի այս քայլը և արդյոք չե՞ք պատրաստվում քայլեր նախաձեռնել:

-Յուրաքանչյուր պետություն ունի իր օրենքները: Իհարկե վիճարկելու որոշում է, իհարկե բացասական եմ գնահատում: Հայկական կողմն իր տարբերակներն առաջարկել, և քննարկում է ընթանում: Մոտ ժամանակներում կլինի դրա տրամաբանական լուծումը: Իհարկե, այս խնդիրը վերաբերվում է ոչ միայն ՀՀ քաղաքացիություն ունեցող վարորդներին, այլ ամբողջ տարածաշրջանում նմանատիպ խնդիրներ կան: Վստահ եմ, որ ինչ-որ լուծում կգտնվի և բոլորին ավելի մատչելի տարբերակ կառաջարկվի:

-Ի՞նչ լուծման մասին է խոսքը, երբ Պետական դուման երկրորդ ընթերցմամբ այն ընդունել է:

-Կրկնում եմ՝ յուրաքանչյուր պետություն ունի իր օրենքները, այդ թվում՝ միգրացիոն օրենքները: Կան օրենքներ, որոնք մեկը մյուսին հակասում են, և դրանք քննարկման առարկաներ են դառնում: Եվ որոնք քննարկման առարկաներ են դառնում, նաև վերանայման են ենթակա, քանի որ Հայաստանը բարձրացնում է ճիշտ խնդիրը, որը ոչ միայն Հայաստանին է պետք, այլ նաև Ռուսաստանին, քանի որ Ռուսաստանի վարորդների համար էլ է շատ կարևոր:

շարունակությունը՝ կայքում