Ռուսաստանի աշունը. ինչ առաջարկ են ստացել Սարգսյանն ու Ալիեւը

Լրագիր / Ռուսական Իզվեստիան գրել է, որ Սարգսյան-Ալիեւ առաջիկա հնարավոր հանդիպման կազմակերպմամբ զբաղվում է Մոսկվան: Իզվեստիան հղում է արել ՌԴ ԱԳՆ աղբյուրին, որը նշել է, թե Մոսկվայից բացի այլ կողմ չկա կազմակերպման գործընթացում:
Աշնանը հնարավոր է հանդիպում, հայտարարել էր Սերժ Սարգսյանը՝ Ռ-Էվոլյուցիա հաղորդմանը տված հարցազրույցում: Նա նշել էր, որ հանդիպման մասին քննարկում եղել է համանախագահների հետ, երբ նրանք այցելել էին տարածաշրջան մի քանի շաբաթ առաջ: Այսինքն, Սերժ Սարգսյանի խոսքից փաստացի ստացվում է, որ հանդիպման գաղափարը «հավաքական» է եւ ներկայացրել են համանախագահները: Միաժամանակ, Սարգսյանն իր հարցազրույցում խոսում էր այն մասին, որ իր կարծիքով հենց այնպես հանդիպումն իմաստ չունի եւ պետք է առաջարկություններ:
Հարց է առաջանում, արդյո՞ք առաջարկություններն անում է Մոսկվան: Իհարկե Իզվեստիայի հրապարակումը դեռեւս հաստատում չէ, թե կազմակերպմամբ զբաղվում է հենց միայն Մոսկվան: Մյուս կողմից, այստեղ իհարկե կարող է լինել տրամաբանություն, նկատի ունենալով մի քանի հանգամանք: Ընդ որում, այդ հանգամանքների մի մասը գուցե հակասական:
Բանն այն է, որ ապրիլի պատերազմից հետո, երբ Ադրբեջանը գործնականում տապալեց իրեն «ընձեռված» հարձակման միջազգայնորեն լեգիտիմացված հնարավորությունը, անմիջապես օրակարգում շեշտադրված առաջնայնություն ստացավ հրադադարի պահպանման միջազգային մեխանիզմի հարցը կամ այսպես ասած Վիեննայի օրակարգը, երբ տեղիօ ունեցավ քառօրյայից հետո Սարգսյան-Ալիեւ առաջին հանդիպումն ԱՄՆ հովանու ներքո:
Ադրբեջանը բացահայտ հայտարարում է, որ այդ մեխանիզմը ստատուս-քվոյի ամրապնդման մեխանիզմն է: Սակայն դա խնդրի նեղացված բնորոշումն է, միայն Ադրբեջանի տեսանկյունից: Բանն այն է, որ այդ մեխանիզմի ներդրումը գործնականում Կովկասի անվտանգության նոր համակարգի առանցքի ձեւավորումն է, առանցք, որ փաստորեն կառուցվում է միջազգային անվտանգության համակարգի եւ Հայաստանի միջեւ պայմանագրի հիմքով: Որովհետեւ Հայաստանի զինված ուժերն են գործնականում, դե ֆակտո ապահովել օրակարգի այդօրինակ դասավորությունը:

շարունակությունը՝ կայքում