Երբ ինքնաթիռում երեխայի ձայն է լսվում, մինչ ոմանք դժգոհություն են հայտնում, ամենաանհարմար վիճակում երեխայի մայրն է հայտնվում: Նա շատ լավ հասկանում է, որ բոլորին նյարդայնացնում է իր երեխայի լացը, բայց հաճախ պարզապես չի կարողանում հանգստացնել փոքրիկին:
Բարեբախտաբար, կան մարդիկ, ովքեր իրենց օրինակով հիշեցնում են, որ օգնության ձեռքը կարող է ավելի շատ օգուտ բերել, քան վրդովմունքի խոսքերը:
Վերջերս Մինեապոլիս-Ատլանտա չվերթի ինքնաթիռով հղի կին էր թռչում փոքր որդու հետ: Նրանց մասին կպատմի EnterTrain-ը: Տղան սկսեց կամակորություն անել և լաց լինել: Երևում էր, որ հոգնած մայրը փորձում էր ամեն ինչ անել նրան հանգստացնելու համար, որ ինքն էլ հանսգտանար:
Այդ ժամանակ նրան հանկարծ մոտեցավ մի տղամարդ և առաջարկեց իր օգնությունը: Նա ասաց, որ ինքն էլ հայր է և տեսնում է՝ մորը որքան է հանգիստ անհրաժեշտ: Հետո նա կնոջ երեխային գրկեց և սկսեց նրան հանգստացնել՝ անցուղով քայլելով թռիչքի գրեթե ամբողջ մնացած ընթացքում:
Օդանավի ուղևորներից Անջելա Բերդն այնքան էր հուզվել անծանոթի բարությունից, որ նրան լուսանկարեց և այդ դեպքի մասին պատմեց Facebook-ում:
«Ես չէի կարողանում զսպել արցունքներս,- գրեց նա,- ոչ թե որովհետև տղամարդը սպիտակամորթ էր, երեխան՝ սևամորթ… Այլ որովհետև նա ինձ հիշեցրեց, որ մեր անհանգիստ աշխարհում դեռ լավ մարդիկ կան»:
1
2
3
4
5
1
2
4
5
2
