ԱՄՆ կոշտ արձագանքն Ադրբեջանի հարցմանը
Ամենաընթերցված
Լրագիր / Ադրբեջանական ԱՊԱ գործակալությունը դիմել է ԱՄՆ պետքարտուղարությանը, Արցախում նախագահի անցած ընտրությունը մեկնաբանելու խնդրանքով: «Հակամարտության համընդգրկուն կարգավորման մեջ մենք ճանաչում ենք Լեռնային Ղարաբաղի բնակչության դերը իր ապագան որոշելու հարցում: Սակայն ԱՄՆ չի ճանաչում Լեռնային Ղարաբաղը որպես անկախ պետություն, ինչպես նաեւ չի ճանաչում ընտրությունների արդյունքները, որ տեղի են ունեցել հուլիսի 19-ին:
Այդ ընտրությունները չեն ազդի Լեռնային Ղարաբաղի իրավական կարգավիճակի վրա: Մենք նաեւ նշում ենք, որ ընտրությունները չեն որոշում Լեռնային Ղարաբաղի վերջնական կարգավիճակը եւ ընթացող բանակցությունների արդյունքը, որոնք միտված են խնդրի կայուն եւ խաղաղ զարգացման», նշվում է ադրբեջանական հարցմանը ԱՄՆ պետքարտուղարության պատասխանում, որ հրապարակել են ադրբեջանական ԶԼՄ-ները:
ԱՄՆ փաստացի կոշտ պատասխանում է Ադրբեջանին, ընդգծելով Ղարաբաղի բնակիչների դերը իրենց ապագան որոշելու հարցում: ԱՄՆ պետքարտուղարության պատասխանում չկա Ադրբեջանի տարածքային ամբողջականության մասին հիշատակում անգամ: Դա կլիներ անտրամաբանական, քանի որ, եթե Ղարաբաղի բնակչությունը պետք է որոշի իր ապագան, ապա Ադրբեջանի «տարածքային ամբողջության» մասին խոսք լինել չի կարող:
շարունակությունը՝ կայքում
1
2
3
4
5
1
2
3
4
5
1
3
