Վարչապետի երկու նոր նշանակումները

Հայելի / ՀՀ պետական սահմանի հայ-վրացական հատ­վածի սահմանային ներկայացուցիչների գործունեության Լոռի-Տավուշ տեղամասի սահմանային ներկայացուցիչ կնշանակվի Հայաս­տա­նի Հանրապետության կառա­վարությանն առընթեր ազ­գային անվտանգության ծառա­յության սահմանապահ զորքերի 1-ին սահմանապահ ջոկատի պետ, գնդապետ Գուրգեն Հենրիկի Գալստյանին (գտնվելու վայրը՝ գյուղ Պուշկինո): Իսկ ՀՀ պետական սահմանի հայ-վրացական հատ­վածի սահմանային ներկայացուցիչների գործունեության Աշոցք-Ամասիա տեղամասի սահմանային ներկայացուցչի պաշտոնում նշանակվելու է Ազ­գային անվտանգության ծառա­յության սահմանապահ զորքերի առանձին սահմանապահ պարետատան պարետ, փոխգնդապետ Հուսիկ Վարազդատի Մարտիրոսյանին(գտնվելու վայրը՝ գյուղ Աշոցք):
Համաձայան որոշման նախգիծը ներկիայացնող ԱԱԾ ղեկավար Գեորգի Կոտոյանի ներկայացրած հիմնավորման՝ սահմանային ներկայացուցիչներ նշանակելու անհրաժեշտությունը բխում է 2016 թվականի հոկ­տեմբերի 5-ին Թբիլիսի քաղաքում Հայաստանի և Վրաստանի կառավարությունների միջև ստորագրված <<Հայաստանի Հանրապետության կա­ռա­վարության և Վրաստանի կառավարության միջև՝ սահմանային ներկայացուցիչների՝ սահմանային կոմիսարների գործունեության մասին>> համաձայնագրից և <<Պե­տա­կան սահմանի մասին>> ՀՀ օրենքի 19-րդ հոդվածի դրույթներից:
Նախագծի նպատակն է ապահովել պետական սահմանի հայ-վրացական հատվածի սահմանային ռեժիմի պահպանման հետ կապված հարցերի լուծումը և սահմանային միջադեպերի կարգավորումը:
Ակնկալվում է, որ լուծումներ կստանան ՀՀ պետական սահմանի հայ-վրացական հատվածի սահմանային ռեժիմի պահպանման ընթացքում ի հայտ եկող տարաբնույթ հարցերը, ինչպես նաև կդյուրացվի սահմանային միջադեպերի կարգավորման գործընթացը:
Ուշագրավ է, որ կառավրության որոշման հիմնավորման մեջ ընդգծվում է, որ սահմանային ներկայացուցիչները նշանակվում են արտահաս­տիքային հիմունքներով: Նրանք երկուսն էլ ՀՀ ԱԱԾ սահմանապահ զորքերի սպաներ են, որոնք բացի իրենց հիմնական գործառնական պարտականություններից իրա­կանացնելու են նաև սահմանային ներկայացուցչի լիազորություններ և դրա համար հավելյալ չեն վարձատրվելու: