Բաթումիում բնակվող հայերի թիվը կրկնակի նվազել է. ինչով է սա պայմանավորված
Աշխարհ
Վերջին տասը տարվա ընթացքում հայ հասարակության թիվը Բաթումիում երկու անգամ կրճատվել է: «Աջարիայի մայրաքաղաքում մոտ 27 հազար հայ է ապրել: Այժմ նրանց թիվը չի հասնում անգամ 12 հազարի»,- հայտնում է Gemigrant պարբերականը` հղում անելով տեղի հայ համայնքին: Պարբերականի տվյալնելով` Բաթումիի հայ համայնքի ղեկավարությունը դիմել է Վրաստանի եպիսկոպոս Վազգեն Միրզախանյանին և իր մտահոգությունը հայտնել, որ իրենց հայրենակիցների արտագաղթի պատճառը «սոցիալ-տնտեսական վատ պայմաններն են», որն առաջացել է ռուսական ռազմաբազայի դուրսբերումից հետո: «Տեղի հայերը, հիմնականում, արհեստավորներ են, և քաղաքում նրանց համար աշխատանք չկա: Հենց այդ պատճառով էլ նրանք սևծովյան այլ քաղաքներ են մեկնում` Տուապսե, Սուխումի, Անապա, Յալտա: Իսկ վերջին շրջանում հայերը տեղակայվել են Սոչիում»,- հաղորդվում է հրապարակման մեջ: Ավելի վաղ հաղորդվել է, որ Վրաստանի վիճակագրական ծառայության տվյալների համաձայն` հայերի թիվը 25 տարվա ընթացքում երկրում նվազել է 250 հազարով:
1
2
3
4
5
1
2
3
4
5
2
4
