Ռուսաստանը Կովկասը հանձնեց ՆԱՏՕ-ին

Լրագիր / Հայաստանի զինուժը մասնակցում է Վրաստանում տեղի ունեցող ՆԱՏՕ զորավարժությանը, որը կրում է «Արժանի գործընկեր 2017» խորագիրը: Թեեւ հայկական կողմը մինչեւ վերջին պահը ձեռնպահ մնաց մասնակցությունն առանձնապես տիրաժավորելուց, եւ դրա մասին տեղեկությունը գերազանցապես ստացվում էր կազմակերպիչ երկրից, այդուհանդերձ մասնակցությունը փաստ է, եւ այդ փաստը հատկապես ողջունելի է 2009-ի մեկ այլ փաստի ֆոնին:
Հայաստանը 2009 թվականին կրկին Վրաստանում անցկացվելիք զորավարժությանը մասնակցությունից հրաժարվեց գրեթե վերջին պահին, անհասկանալի պատճառով: Մինչ այդ, Երեւանը պաշտոնապես հայտարարել էր մասնակցության մասին: Բայց զորավարժությունից գրեթե մեկ օր առաջ Հայաստանի պաշտպանության նախարարությունը տարածեց տեղեկություն, թե «ստեղծված հանգամանքներից» ելնելով Հայաստանը չի մասնակցի ՆԱՏՕ վրացական զորավարժությանը:
Ի՞նչն էր ստեղծված հանգամանքը՝ այդպես էլ մնաց անորոշ, թեեւ դա ֆորմալ մակարդակում: Իսկ ոչ ֆորմալ առումով գործնականում որեւէ մեկի մոտ չկար կասկած, որ Հայաստանը մասնակցությունից հրաժարվել էր Ռուսաստանի հորդորով, կամ ճնշման տակ:
Ռուս-վրացական հարաբերությունը 2009 թվականին դեռեւս գտնվում էր 2008-ի պատերազմի չափազանց մեծ «մթնոլորտային ճնշման» տակ: Միեւնույն ժամանակ, Արեւմուտքը Ռուսաստանի հետ փորձում էր հասկանալ, թե ինչ ընթացքով է զարգանալու իրավիճակը հետագայում: Հայաստանն այդ ընթացքում սկսում էր խորացնել հարաբերությունը Եվրամիության հետ եւ մեկնարկել Ասոցացման գործընթացի շուրջ բանակցությունը:

շարունակությունը՝ կայքում