Լուրջ քայլ․ Հայաստանում կոռուպցիան վերացնելուն արդեն խառնվում է Բրիտանիան

Լրագիր / Արդարադատության նախարար Դավիթ Հարությունյանը և Հայաստանում Միացյալ Թագավորության դեսպան Ջուդիթ Մարգարեթ Ֆարնուորթը հուլիսի 31-ին ստորագրել են «Աջակցություն ՀՀ կառավարության հակակոռուպցիոն ռազմավարության իրականացմանը» խորագրով համատեղ ծրագրի մեկնարկն ազդարարող փոխըմբռնման հուշագիր:
Պաշտոնական հաղորդագրության մեջ որեւէ խոսք չկա այն մասին, որ Դավիթ Հարությունյանը դիմադրել է հուշագրի ստորագրմանը, քանի որ կոռուպցիան եւ հետեւաբար դրա դեմ պայքարը Հայաստանի ներքին գործն է, որին որեւէ դեսպան չունի միջամտելու իրավունք:
Գործնականում, Դավիթ Հարությունյանը ստորագրել է Հայաստանի իշխանության «կապիտուլյացիան», կամ առնվազն «ճակատամարտը» տանուլ տալու ակտը:
Բանն այն է, որ խորհրդարանի ընտրությունից հետո կառավարության կազմում գործնականում միակ էական փոփոխությունը տեղի ունեցավ հենց արդարադատության նախարարությունում: Արեւմուտքի հետ բավականին լավ լեզու գտած Արփինե Հովհաննիսյանն անսպասելիորեն փոխարինվեց Դավիթ Հարությունյանով: Այն, որ Արփինե Հովհաննիսյանի փոխարինումն անսպասելի էր թե վարչապետի, թե նույնիսկ Հայաստանում ԱՄՆ դեսպանի համար, ակնառու էր հենց նրանց հայտարարություններից՝ մեկի դեպքում նախընտրական, իսկ մյուսի դեպքում՝ Արփինե Հովհաննիսյանին ուղղված շնորհակալական նամակում:
Անփորձ Արփինե Հովհաննիսյանին, որն ըստ երեւույթին Սերժ Սարգսյանի գնահատմամբ «ընկել էր» Արեւմուտքի «թակարդը», փոխարինեց համակարգի համար չափազանց մեծ փորձառություն ունեցող, այդ թվում հենց միջազգային հանրության առաջ Հայաստանի իշխանության շահը եւ իրավունքը ամենաբարդ խնդիրներում՝ ընդհուպ Մարտի 1-ի հարցում պաշտպանած Դավիթ Հարությունյանը:

շարունակությունը՝ կայքում