Երբ Սթիվ Ջոբսը ողջ էր և ղեկավարում էր Apple-ը, իր երեխաներին արգելում էր չափազանց երկար աշխատել iPad-ով: Ինչու՝ կներկայացնի EnterTrain-ը:
The New York Times-ի լրագրող Նիք Բիլթոնը Սթիվ Ջոբսի հետ իր հարցազրույցներից մեկում նրան հարցրեց՝ արդյոք նրա երեխաներն iPad սիրում են:
«Նրանք դրանից չեն օգտվում: Մենք սահմանափակում ենք ժամանակը, որը երեխաները տանը ծախսում են նոր տեխնոլոգիաների վրա»,- պատասխանել է նա:
Ջոբսի ընտանիքում նաև արգելված էր գաջետներ օգտագործելը գիշերները և հանգստյան օրերին:
Այդպիսի արգելք են սահմանում IT-հսկաների շատ ղեկավարներ:
Wired-ի նախկին խմբագիր Քրիս Անդերսոնը, ով հիմա 3D Robotics-ի գործադիր տնօրենն է, իր ընտանիքի անդմաների համար գաջետների օգտագործման սահմանափակումներ է դրել:
Անդերսոնը 5 երեխա ունի, նրանք 5-17 տարեկան են, սահմանափակումները յուրաքանչյուրին են վերաբերում:
«Սա՝ որովհետև ես ինչպես ուրիշ ոչ ոք տեսնում եմ համացանցով չափից շատ տարվածության վտանգը: Ես տեսել եմ, թե ինչ խնդիրների եմ բախվել ինքս, և ուզում եմ, որ նույն խնդիրներն իմ երեխները չունենան»,- բացատրում է նա:
Համացանցի «վտանգ» ասելով՝ Անդերսոնը և նրա հետ համակարծիք ծնողները նկատի ունեն վնասակար կոնտենտ (պոռնոգրաֆիա, երեխաների բռնության տեսարաններ և այլն) և այն, որ եթե երեխաները չափազանց հաճախ են օգտվում գաջետներից, շուտով կախվածություն ձեռք կբերեն դրանցից:
Ուսումնասիրությունները ցույց են տալիս, որ մինչև 10 տարեկան երեխաներն առավել ընկալունակ են նոր տեխնոլոգիաների նկատմամբ, և դրանցից թմրանյութի պես կախվածություն են ձեռք բերում:
Ըստ հետազոտողների՝ երեխաներին չի կարելի թույլատրել պլանշետից օգտվել օրական 30 րոպեից ավել, սմարթֆոններից՝ օրական 2 ժամից ավել: 10-14 տարեկաններին անհատական համակարգչի օգտագործումը թույլատրվում է, բայց միայն դպրոցական առաջադրանքները կատարելու համար:
Ըստ գիտնականների՝ տեխնոլոգիաների օգտագործման սահմանափակումների արգելքը կարելի է վերացնել 14 տարեկանում:
Անդերսոնը նույնիսկ իր 16-ամյա երեխաներին արգելում է ննջասենյակում օգտվել «էկրաններից», այդ թվում՝ հեռուստացույցից:
Ինչո՞վ զբաղեցնել երեխաներին: Սթիվ Ջոբսը սովորություն ուներ երեխաների հետ ընթրել և միշտ նրանց հետ քննարկում էր գրքերը, պատմությունը, առաջընթացը, քաղաքականությունը:
Նրանցից ոչ ոք իրավունք չուներ հոր հետ զրույցի ժամանակ iPhone հանել:
Արդյունքում՝ նրա երեխաները համացանցից անկախ մեծացան:
1
2
3
4
5
3
4
5
2
4
5
