Անսպասելի շրջադարձ ՊՊԾ գնդի հանգուցալուծումից մեկ տարի հետո

1in.am / ՊՊԾ գնդի գրավման երկշաբաթյա դրամատիկ զարգացումների հանգուցալուծման մեկ տարին լրանալու կապակցությամբ «Սասնա ծռեր» խմբի անդամներ ու համակիրներ Վարուժան Ավետիսյանը, Ժիրայր Սէֆիլյանը, Գարեգին Չուգասզյանն ու Կարո Եղնուկյանը հանդես են եկել հոդվածով, որտեղ շոշափում են աշխարհակարգային, աշխարհաքաղաքական հարցեր և Հայաստանի տեղն ու դերը դրանցում: Մասնավորապես, Հայաստանի դուրս գալը ռուսական գաղութի կարգավիճակից, այսպես ասած Արմէքզիթը, և հայ-ամերիկյան դաշնակցության հաստատումը, բայց ոչ ՆԱՏՕ անդամակցության հարցով: Պետք է խոստովանել, որ հետաքրքիր շեշտադրում է, և մի շարք առումներով և ասպեկտներով, ընդ որում՝ թե՛ մեկամյա վաղեմության իրողությունների, թե՛ ներկայիս զարգացումների շրջանակից: Թվարկենք դրանք, պարզապես ընթերցողին տալով եզրահանգումների և վերլուծության առիթ:

Հուլիսի 31-ին «Սասնա ծռեր»-ի զենքը վայր դնելու տարելիցի կապակցությամբ հրապարակված հոդվածում առկա հայ-ամերիկյան դաշնակցության հեռանկարը խումբը կամ համակիրները չեն շոշափել թե՛ ՊՊԾ գնդի գրավման օրերին, թե՛ անցնող մեկ տարվա ընթացքում, և հարց է առաջանում՝ պահել էին տարելիցի՞ համար: Հանգամանքն ուշագրավ է նաև այն իրողության ֆոնին, որ «Սասնա ծռեր»-ը ՊՊԾ գնդի գրավումից հետո գործնականում երկու շաբաթ շարունակ որևէ կերպ չեն խոսել ռուսական գաղութատիրությունից ազատվելու նպատակի կամ անհրաժեշտության մասին, և դրա վերաբերյալ անսպասելիորեն արտահայտվեցին միայն 13-րդ օրը, երբ իրավիճակը սկսել էր զարգանալ տեսանելի հանգուցալուծման կտրվածքով:

շարունակությունը՝ կայքում