Օրենքով գող է ձերբակալվել

Փաստինֆո / Արմավիրում կալանավորվել է 44-ամյա տեղացի «օրենքով գող» Արա Մուրադյանը, ով առավել հայտնի է քրեական միջավայրում որպես Արա Արմավիրսկի: «Փրայմ Քրայմին»-ի փոխանցմամբ՝ , «օրենքով գողի» քրեական գործունեության մշակմամբ զբաղվել է Անվտանգության դաշնային ծառայության Կրասնոդարի երկրամասի վարչությունը:

Գործակալության տվյալներով, հուլիսի կեսերին Մուրադյանը կալանավորվել էր վարչական իրավախախտման համար՝ 15 օրով, ժամկետի լրանալուն պես նրան խարդախության մեղադրանք էր առաջադրվել: Դեռևս քննության շահերից ելնելով՝ քրեական գործի մանրամասները գաղտնի են պահվում:
Հիշեցնենք, որ նախկինում չդատապարտված, ծնունդով Արմավիրից Արա Մուրադյանը գողական ընտանիք էր ընդունվել 2012թ. դեկտեմբերին, դառնալով Դեդ Հասանի վերջին «կնքասաներից» մեկը: Կես տարի անց Մուրադյանին որպես հակակշիռ Կիպրոսում թագադրվել էր սուխումյան գողական կլանի դրածո Դավիդ Ջանգիձեն, նույն ինքը՝ Դաթո Կրասնոդարսկին: Նույն թվականի հոկտեմբերին անբարյացակամ հարաբերությունների պարզաբանման ընթացքում Մուրադյանն ու իր մերձավոր, Արմավիրի «նայողը» ծեծվել էին Ջանգիձեի ներկայությամբ: Ստացած վնասավածներից «նայողը» մահացել էր: Պատասխան քայլ Մուրադյանի կողմից այդպես էլ չէր հետևել:
Ինչպես հաղորդվել է ավելի վաղ, այս տարվա մարտին Ջանգիձեն Կրասնոդարում ձերբակալվել էր թմրանյութեր պահելու համար: Օպերատիվ իրավիճակի սրումից խուսափելու համար Ջանգիձեն և Մուրադյանը գտնվում են տարբեր քննչական մեկուսարաններում:
Ընթացիկ տարվա սկզբից Կուբանում ընդհանուր առմամբ ենթարկվել է քրեական պատասխանատվության երեք «օրենքով գող»: