Միլիոնավոր հնդիկ կանայք իրենց ամուսնուն անունով չեն դիմոմ՝ հետևելով հարգանքի դրսևորման հին ավանդույթին: Տեղացի կանայք ինչպե՞ս վերջապես վճռեն դեմ գնալ դարավոր ավանդույթին: Ներկայացնում է EnterTrain-ը:
Ինչու հնդիկ կանանց չի կարելի ամուսիններին անունով դիմել
Հնդիկ հասարակության մեջ տղամարդն առանձնահատուկ, ավելի բարձր դիրք է զբաղեցնում կնոջ համեմատ: Տղմարդիկ աստվածացվում են, ում կանայք պետք է սրբորեն հարգեն և պատվեն: Խոսակցության մեջ ամուսնու անունից խուսափելը հարգանքի նշան է: Այս արգելքի խախտումը կարող է լուրջ հետևանքների բերել:
Այդ դեպքում Հնդկաստանում ինչպես կարելի է դիմել ամուսնուն
Հնդիկ կանայք իրենց ամուսնուն այսպես են դիմում՝
- Կինն իրավունք ունի ասելու «այսինչի հայր» կամ մասնագիտության մասին խոսել (օրինակ՝ Բժիշկ Սահիբ),
- Շատ կանայք ամուսնու ուշադրությունը գրավում են՝ ասելով «հեյ» կամ «լսիր, խնդրում եմ»,
- Հնդկաստանում որոշ լեզուներում ընդունված է ասել «տեր», «եղբայր», «ավագ եղբայր» կամ պարզապես «ողջույն»:
Սեփական իրավունքների համար պայքարի սկիզբ
Սոցիալական ճնշումը կանանց ստիպում է նախկինի պես խստիվ հետևել ավանդույթներին: Սակայն հազվադեպ կանայք վճռում են պայքարել իրավիճակը փոխելու համար: Անցած տարվա հոկտեմբերին Պունա քաղաքի մերձակա գյուղի բնակչուհի Ռոհինի Պավարը (լուսանկարում) այս հարցը բարձրացրեց տեղի կանացի ակումբում: Դրանից առաջ նա իր ամուսնուն՝ Պրակաշին, ում հետ ամուսնացած է 16 տարի, փորձեց անունով դիմել: Մինչ այդ նա նրան միշտ «բաբա» էր անվանում՝ կրկնելով զարմիկների ասածը: Ամուսինը զարմանալիորեն դրան հանգիստ վերաբերվեց՝ ի տարբերություն գյուղի բնակիչների, որոնք շատ դժգոհ էին և սկսեցին ծաղրել զույգին:
«Միասին մենք ավելի համարձակ ենք»
Ռոհինիի գյուղի կանայք հիացմունքով ընդունեցին իրենց ամուսիններին անունով կոչելու գաղափարը: Միասին հավաքվելով՝ նրանք կյանքում առաջին անգամ իրենց ամուսինների անուններն էին բացականչում: Կանանցից մեկը տուն վերադառնալով՝ իր ամուսնուն անունով դիմեց և ի պատասխան հարված և սպառնալիք ստացավ, որ եթե դա կրկնվի, կծեծի նրան:
«Առաջին քայլը միշտ ամենադժվարն է»
Խոշոր քաղաքներում կանանց կրթության մակարդակն արագորեն աճում է, նրանցից շատերն աշխատում են և ինքնուրույն որոշում ամուսնանալ: Սակայն գյուղերում կանանց ճնշող հին ավանդույթները նախկինի պես ուժեղ են: Եթե կինը որոշում է իր ամուսնու անունը տալ, նրան արագ «տեղն է դնում» սկեսուրը կամ տարեց կանանցից մեկը:
1
2
3
4
5
1
3
5
2
