Միջադեպ՝ «Սասնա ծռերի» գործով նիստի ժամանակ

ՀՐԱՊԱՐԱԿ / «Սասնա ծռեր» զինված խմբի անդամներից 18-ի գործով դատական նիստին այսօր ներկա էին երեք ամբաստանյալները՝ Հովհաննես Հարությունյանը, Արամ Մանուկյանը եւ Գեւորգ Իրիցյանը, իսկ մյուս ամբաստանյալները դատարանի հանդեպ անհարգալից վերաբերմունքի դրսեւորելու համար նախորդ դատական նիստերին հեռացվել էին դահլիճից։ 

Այսօր ամբաստանյալների պաշտպանները միջնորդեցին, որ իրենց պաշտպանյալներին դատարանը վերադարձնի նիստերի դահլիճ: «Մենք չենք ուզում գնալ, բայց քանի որ մեր պաշտպանները մեր կողքին չեն, չենք կարող նիստի մասնակցել»,-հայտարարեց պաշտպաններից Երվանդ Վարոսյանը:

Դատավոր Արտուշ Գաբրիելյանն ասաց, որ այս պահին չի քննարկում միջնորդությունը, քանի որ մի անգամ արդեն այն բավարարել է, սակայն ամբաստանյալները շարունակել են անհարգալից վերաբերմունք դրսեւորել: Ամբաստանյալ Արամ Մանուկյանը հայտարարեց, որ գնում է:

Դատավորը նրա հանդեպ սանկցիա կիրառեց՝ հեռացնել նիստերի դահլիճից 10 ժամով: Ամբաստանյալ Հովհաննես Հարությունյանն էլ , ասաց, որ ինքնաբացարկի միջնորդություն է հայտնում դատավորին, սակայն Արտուշ Գաբրիելյանն ասաց, որ իր հանդեպ է նույն սանկցիան կիրառում: Հովհաննես Հարությունյանի պաշտպան Հայարփի Սարգսյանը բռնեց նրա ձեռքից եւ ոստիկաններին ասաց հեռու քաշվել: Հայարփի Սարգսյանը պնդեց, որ դատավորն ապօրինի է գործում ու թույլ չի տալիս ամբաստանյալին միջնորդություն ներկայացնել:

շարունակությունը՝ կայքում