42-ամյա Ջոլին նոր սկանդալի մեջ է հայտնվել

Անջելինա Ջոլին վերջերս առաջին հարցազրույցն էր տվել Բրեդ Փիթից բաժանվելուց հետո: Vanity Fair-ին նա պատմել էր ընտանիքում հարաբերությունների, ինչպես նաեւ այն մասին, թե ինչպես է իր First They Killed My Father ֆիլմի համար Կամբոջայում դերասան երեխաների փնտրել:Ավելի վաղ Ջոլիի «Vanity Fair»-ին տված հարցազրույցում հավաստիացվում էր, որ «Սկզբից նրանք սպանեցին իմ հորը» ֆիլմի քասթինգի ժամանակ Կամբոջայում դերասանուհին «դաժան դերասանական վարժություն» է օգտագործել: Քասթինգին մասնակցել են անապահով երեխաներ, այդ թվում՝ մանկատներում դաստիարակվող երեխաներ, որբեր:
Գլխավոր դերակատարի ընտրության ժամանակ երեխաների առջեւ սեղանին թղթադրամ են դրել եւ առաջարկել գողանալ այն: Հետո Ջոլին «բռնել» է գողին, որը պետք է խաբեր՝ փորձելով հիմնավորել, թե ինչու է իրեն անհրաժեշտ գումարը:
«Ենթադրությունը, որ քասթինգի ժամանակ երեխայի առաջ սեղանին կարող էին իսկական գումարներ լինել, աբսուրդային և տխուր է: Դա ճիշտ չէ: Ես առաջինը կբարկանայի, եթե իրականում այդպիսի բան լիներ»,- ասել է Ջոլին:
42-ամյա դերասանուհին որոշել է պարզաբանել մի քանի բան, որոնք ցնցել էին արեւմտյան մամուլը՝ Ջոլիին մեղադրելով երեխաներին ծաղրելու մեջ: Էնջին Vanity Fair-ին մեղադրել է այն բանում, որ սխալ են մեջբերել իր խոսքը, ի պատասխան՝ պարբերականը բացառի ներկայացրել է Ջոլիի հետ զրույցի այդ հատվածը:
Հայտնի է դարձել նաեւ, որ Ջոլիի փաստաբանը խնդրել է ամսագրի առցանց տարբերակից ջնջել հրապարակումը, իսկ Vanity Fair-ի հոկտեմբերի համարում հերքում հրապարակել, սակայն պարբերականը հրաժարվել է: