ԱՄՆ զգուշացումը Հայաստանին

Լրագիր / ԱՄՆ փոխնախագահ Մայք Փենսը այցելել է Էստոնիա, Չեռնոգորիա և Վրաստան եւ փոխանցել Թրամփի ուղերձը, ըստ որի Ամերիկան կանգնած է Արևելյան Եվրոպայի իր դաշնակիցների կողքին, Միացյալ Նահանգները պատրաստ է պաշտպանել իր դաշնակիցներին «ռուսական ագրեսիայից»:
Ամերիկացի հայտնի վերլուծաբան Փոլ Գոբլի կարծիքով, Թրամփի ուղերձն առնչվում է նաև Հայաստանին, բայց շատ բան կախված է Ռուսաստանի հանդեպ Հայաստանի վերաբերմունքից:
«Միացյալ Նահանգները գնալով ավելի շատ է նայելու Հայաստանին այն պրիզմայով, թե ինչ դիրքորոշում ունի Հայաստանը Ռուսաստանի և ռուսական ագրեսիայի կապակցությամբ: Եթե Հայաստանը պաշտպանի Մոսկվային, ապա դժվար թե ընդլայնվեն հարաբերությունները Միացյալ Նահանգների հետ», «Առաջին լրատվական»-ի հետ զրույցում ասել է Գոբլը:
Մայք Փենսի այցը հետեւել է ԱՄՆ Կոնգրեսում Ռուսաստանի դեմ նոր պատժամիջոցների օրենքի ընդունմանը: Դրանք ուղղված են հիմնականում գազային խոշոր նախագծերին, որոնք, փորձագետների գնահատմամբ, ուժեղ հարված են Ռուսաստանին եւ ազդելու են նրա տնտեսական ու քաղաքական իրավիճակի վրա, նվազեցնելով նրա հնարավորությունները:

շարունակությունը՝ կայքում