Երկրորդ Հենրիկ Մխիթարյանը

Լրագիր / Ֆուտբոլասերներն սպասում են Եվրոպայի Սուպերգավաթի Ռեալ Մադրիդ- Մանչեսթեր Յունայթեդ հանդիպմանը, որը տեղի է ունենալու մի քանի ժամ անց, Մակեդոնիայի մայրաքաղաք Սկոպյեում: Սպասման գլխավոր պատճառներից մեկն այն է, որ Մանչեսթերի կազմում հանդիպմանը կարող է մասնակցել Հայաստանի հավաքականի ավագ Հենրիկ Մխիթարյանը, որն ինչպես Լեւոն Տեր-Պետրոսյանը կասեր՝ դարձել է հայ ժողովրդի ուրախությունը:
Նրա հաջողությունը, նրա խփած գոլերը Հայաստանում դառնում են իրադարձություն, տեղ զբաղեցնելով օրվա լրահոսի ամենաընթերցվող կամ դիտվող նյութերի շարքում: Մխիթարյանի հարցազրույցները, նրա մասին այլ երկրներում պատրաստվող նյութերը, նրա լուսանկարները համայն ուշադրության կենտրոնում են:
Մխիթարյանը դարձել է համահայկական ռեսուրս, դա աներկբա է: Ըստ այդմ, կամա, թե ակամա առաջանում է այդ ռեսուրսն օգտագործելու խնդիր: Ռեսուրսը միեւնույն է աշխատում է, առնվազն տարերայնորեն: Ըստ այդմ առաջանում է ՕԳԳ խնդիր: Բարձր գործակիցը կախված է այն բանից, թե որքան գրագետ եւ համակարգված աշխատանք կլինի այդ ռեսուրսի հետ: Մխիթարյանը օրինակ է Հայաստանի համար՝ բազմամշակութայնության, աշխատասիրության, նպատակասլացության, նաեւ համեստության օրինակ, բաց աշխարհում ոչ թե վախի, այլ տաղանդի ու աշխատանքի համադրությամբ մրցունակության եւ հաջողության օրինակ, պրոֆեսիոնալ մտածողության եւ վարքի օրինակ:

շարունակությունը՝ կայքում