Բոլորի համար անհայտ մնաց, թե 2016թ. 101 տարեկանում կյանքից հեռացած ամերիկուհի Ֆրենսիս Գեյբը հանճա՞ր էր, թե՞ խելագար: Պատճառը նրա հայտնագործությունն էր: EnterTrain-ը առաջարկում է ծանոթանալ այս տարօրինակ կնոջ կյանքի մանրամասներին:
Բանն այն է, որ մոտ 20 տարի այս կինը մաքրություն չէր արել իր տանը: Ոչ ոք նրա փոխարեն չէր արել այդ գործը, սակայն նրա տունը փոշու մեջ չէր կորել:
Պարզվում է, որ կինը ապրել է ինքնամաքրվող տանը: Մի քանի տասնյակ տարի առաջ Ֆրենսիսի գլխում մի միտք ծագեց, և նա կյանքի կոչեց այն: Ամեն ինչ սկսվեց նրա ամուսնալուծությունից:
Ամուսնուց բաժանվելուց հետո Ֆրենսիսը հասկացավ, որ ուժ չունի սեփական բիզնեսը վարելու և երեխաներին հետևելու, որոնք հրաժարվում էին հավաքել իրենց հետևից:
Մի անգամ Ֆրենսիսը խոհանոցի պատին ջեմի հետք նկատեց: Կինը բարկացած լվացավ այն այգու ջրի խողովակով: Երբ բարկությունն անցավ, նա հասկացավ, որ այնքան էլ հիմար քայլ չի արել:
Այդ ժամանակ նա ստեղծեց ինքնամաքրվող տան մոդելը: Մի քանի տարի անց նա կյանքի կոչեց այդ գաղափարը: Նա ստեղծեց 68 տարատեսակ սարքեր, որոնք թույլ էին տալիս, որ նրա տունը առանց կողմնակի օգնության լվացվեր և չորանար:
Ֆրենսիսի բնակարանը նմանվեց հսկայական ավտոմատ աման լվացող սարքի: Յուրօրինակ համակարգը ոչ միայն ինքնուրույն լվանում էր տան պատերը, հատակը և ամանները, այլև լվանում էր հագուստը և շան բույնը շան հետ միասին:
Բնականաբար տանտիրուհին այդ ընթացքում տանն էր լինում: Նա հագնում էր անձրևանոցը, բացում հովանոցը և սեղմում համակարգը ակտիվացնող կոճակը:
Աշխատանքը ճիշտ կազմակերպելու համար տան հատակը պատերի նկատմամբ անկյունային թեքությամբ էր կառուցված, որի վրա հատուկ ջրուղիներ կային, որոնցով հոսում էր ջուրը: Սկզբում առաստաղի տակ տեղադրված ցնցուղներից բաց էր թողնում օճառաջուրը, այնուհետև մաքուր ջուր և տաք օդը՝ չորացնելու համար:
Ողջ գործընթացը տևում էր մոտ մեկ ժամ: Իհարկե, Ֆրենսիսը ստիպված էր զոհողությունների գնալ. նա հագուստը միանգամից կախում էր պարանների վրա: Բացի դրանից, Ֆրենսիսը հրաժարվել էր գորգերից և վարագույրներից, և նրա տան ողջ կահույքը պատրաստված էր պլաստիկից:
80-ականներին Ֆրենսիսը բավականին հայտնի դարձավ: Նրա տունը անընդհատ լի էր զբոսաշրջիկներով:
Ֆրենսիսը պատմում էր, որ իր հայտնագործությամբ նախևառաջ ցանկացել է օգնել սահմանափակ կարողություններով մարդկանց, բազմազավակ մայրերին և աշխատող կանանց: Նա երազում էր, որ իր գաղափարը հնարավորություն կտա կանանց ավելի շատ ժամանակ անցկացնելու ընտանիքի հետ:
1
2
3
4
5
2
3
4
1
3
4
