Աշխարհի ամենատարօրինակ հարսանեկան ավանդույթները

Մարդու կյանքում հավանաբար ամենանշանակալի իրադարձությունը հարսանեկան արարողությունն է: Տարբեր ազգեր միմյանցից տարբեր հետաքրքիր ավանդույթներ ունեն: EnterTrain-ը առաջարկում է ծանոթանալ դրանցից մի քանիսին:

 

 

Լիբիա

Լիբիայում հարսանեկան ծեսը տևում է 8 օր: 6-րդ օրը փեսացուն նվերներով լի զամբյուղ է տալիս հարսնացուին, որը անպայման պետք է տեսնի այդ նվերները:

Քենիա

Քենիայում հարսանիքի համար պարտադիր պայման է հարսնացուի հղիությունը: Իսկ հարսանիքից հետո ամուսինը պետք է 3 ամիս կնոջ հագուստը հագնի, որպեսզի իր մաշկի վրա զգա կնոջը բաժին հասած ողջ ծանրությունը:

Բալի

Բալիում գործում է ատամները սղոցելու սովորույթ: Համարվում է, որ երբ աղջկա ատամները սղոցած են, նրա հայրն այլևս պատասխանատվություն չի կրում աղջկա համար:

Ուզբեկստան

Այստեղ ամուսնական առաջին գիշերը հարսնացուի հետ անց են կացնում նրա հարազատները: Միայն երկրորդ գիշերը թույլատրվում է, որ ամուսինը նրա հետ անցկացնի:

Բեդվիններ

Բեդվինները հարսանեկան սեղանին տապակած ուղտ են դնում: Դա սովորական ուղտ չէ. ուղտի միջուկը գառ է. գառի մեջ՝ հավ, հավի մեջ՝ ձուկ, ձկան մեջ՝ ձու:

Սահարա

Փոքր տարիքից այստեղ աղջիկներին լավ կերակրում են: Համարվում է, որ որքան գեր է աղջիկը, այնքան հաջողակ կլինի ամուսնության հարցում:

Չինաստան

Չինական ցեղերից մեկում այսպիսի սովորույթ կա. հարսնացուն մինչև հարսանիքը 10 օր պետք է միայնակ լաց լինի, հետո նրան միանում է մայրը ևս 10 օր, հետո նրանց միանում են հարազատները և ընկերուհիները: Համարվում է, որ եթե հարսնացուն բավական չափով լաց է եղել, ուրեմն նրա հետագա ամուսնական կյանքը ուրախ և անարցունք կանցնի:

Նիկոբարի կղզիներ

Այստեղ տղամարդը հարսանիքից առաջ պետք է մեկ ամիս կատարի կնոջ ցանկությունները:

Կենտրոնական Աֆրիկա

Հարսանիքից հետո այստեղ կինը կարող է ծեծել ամուսնուն, և դա կարող է տևել մի քանի օր, մինչև նա դուրս չհանի իր ողջ ատելությունը:

Պապուասներ

Հարսանիքից առաջ պապուասը պետք է հարսնացուին նվիրի 20 խխունջ, 20 խոզի կաշի և դրախտային թռչուններ: Հարսանեկան արարողության ժամանակ հարսնացուն գլխին խոզի ստամոքս է հագնում: