Զենք շատ կա, եւ այն սկսել է կրակել

Լրագիր / Քրեական ամենօրյա տեղեկատվությունը Հայաստանում վերջին շրջանում հիշեցնում է «Վայրի Արեւմուտքը»: Օր չկա, որ չհաղորդվի զինված միջադեպերի մասին: Վիճաբանություններ, վրեժխնդրություն, սպանություններ զենքի գործադրմամբ: Կրակում են ամենուր՝ Երեւանում, այլ քաղաքներում ու համայնքներում:
Դժվար է ասել՝ արդյոք նախկինում էլ է եղել այսպես, թե ներկայում բոլոր միջադեպերի մասին է հաղորդվում, մի կողմից՝ իրավապահների «թափանցիկ աշխատանքի», մյուս կողմից՝ նույն այդ իրավապահների գերատեսչական հակասությունների ու մրցակցության արդյունքում:
Փաստն այն է, որ ամեն օր հաղորդվում է զինված միջադեպերի մասին: Այստեղ արժե ուշադրություն դարձնել մի հանգամանքի վրա՝ զենքի տարածվածությունը: Փաստացի, Հայաստանում ահռելի քանակի զենք կա մարդկանց ձեռքին: Եվ այդ զենքը սկսել է կրակել, դառնալով հարաբերություններ պարզելու միջոց:
Մի ժամանակ զենքի գործադրումն իշխանության ու նրան սերտաճած օլիգարխական ու կրիմինալ բանդաների «մենաշնորհն էր»: Այդ մենաշնորհը փաստացի խախտվում է, առայժմ՝ «կենցաղային հողի» վրա: Մարդիկ առայժմ չեն խորանում զինված ռազբորկաների պատճառ դարձող խորքային իրողությունների մեջ, սակայն երեւում է դրա ժամանակն էլ է գալու, ինչպես նույն «վայրի Արեւմուտքում», եւ հնարավոր է հերթը հասնի նաեւ այլ մենաշնորհների:

շարունակությունը՝ կայքում