Գարեջրով դիմակներ մազերի համար. հին գաղտնիքներ

Վաղուց գարեջուրը համարվում է շատ արդյունավետ կոսմետիկ միջոց: Այն հատկապես օգտակար է մազերի համար: EnterTrain-ը ներկայացնում է մազերի համար գարեջրով հին դիմակներ:

Ավելի օգտակար է առանց գազի գարեջուրը: Դրա համար պետք է շիշը մի քիչ բաց թողնել կամ գարեջուրը մի քանի անգամ մի տարայից մյուսը դատարկել:

Գարեջուրն ավելի լավ կազդի մի քիչ տաքացնելու դեպքում:

Դիմակները քսում են արդեն լվացած, թաց մազերին: Վերջում լվանում են սովորական ջրով, բայց արդյունքի ուժեղացման համար կարելի է նաև մազերն օգտակար բույսերի եփուկով լվանալ:

Տարբեր տեսակի մազերի համար տարբեր դիմակներ են օգտագործվում՝ կախված նրանից՝ մազերը յուղոտ են թե չոր: Գարեջուրը նաև թեթև ներկող հատկություն ունի:

Բացի դրանից՝ գարեջրով դիմակներից կարող է ալերգիա լինել:

Ահա մի քանի օգտակար բաղադրատոմս:

Գարեջուր + ձվի դեղնուց

Կօգնի վերականգնել ու ամրացնել մազերը, ավելացնել ծավալ ու փայլ: Հարմար է թույլ, փշրվող, չոր մազերի համար: 100 գ գարեջուրը խառնել ձվի դեղնուցին, խառնել բլենդերով: Կարելի է ավելացնել նաև 1 ճաշի գդալ մեղր:

Գարեջուրը յուղերի հետ

Սնուցող դիմակ չոր և փշրվող մազերի համար: 1 բաժակ գարեջրին ավելացնել 1 թեյի գդալ նուշի, ձիթապտղի կամ ծիրանի յուղ: Առնվազն 20 րոպե պահել, հետո մազերը լավ լվանալ:

Գարեջուր և կեֆիր

Խոնավացնող դիմակ. հարմար է ցանկացած տիպի մազերի համար: Կես բաժակ գարեջուրը խառնել կես բաժակ կեֆիրի հետ, կարևորը՝ բաղադրիչները հավասարաչափ լինեն:

Խոտաբույսեր և գարեջուր

Յուղոտ մազերի համար է: Վերցնել 2-ական ճաշի գդալ եղինջի և եղեսպակի տերևներ, տաք գարեջրով եփել: Մազերը լվանալուց հետո այն քսել, կարելի է նույնիսկ գիշերը թողնել: Այն օգտագործել շաբաթական 2 անգամից ոչ ավել, որ մազերը չափազանց չչորանան:

Գարեջուր և աշորայի հաց

Մազերի աճի և ծավալի համար: 500 մլ գարեջրին ավելացնել մոտ 200 գ. աշորայի հաց: Լավ կլինի բլենդերով խառնել: Դիմակը քսել 30 րոպեով, գլուխը տաք պահել:

Գարեջուր և սոխ

Մազաթափության դեմ: 3 միջին սոխը մանր կտրտել, թանզիֆով հյութը քամել: Ավելացնել կես լիտր գարեջրին: Քսել լվացած խոնավ մազերին, պահել 20-30 րոպե: