Խոշոր հրդեհ համակարգում

Լրագիր / Վարչապետ Կարեն Կարապետյանը Ֆեյսբուքում գրել է, որ ոչ մի երկիր ապահովագրված չէ արտակարգ իրավիճակներից: «Բնականաբար, դա չի նշանակում, որ մենք խնդիրներ չունենք եւ համապատասխան հետեւություններ չենք անելու: Իրավիճակը մանրակրկիտ ուսումնասիրվելու է եւ արվելու է առավելագույնը՝ հետագայում նման աղետների կրկնությունը հնարավորինս բացառելու համար»:
Վարչապետը շնորհակալություն է հայտնել ԱԻՆ, ՊՆ, Բնապահպանության նախարարության, Ոստիկանության աշխատակիցներին ու բոլոր այն քաղաքացիներին, ովքեր մասնակցել են հրդեհաշրջման աշխատանքներին:
Նա նաեւ երախտագիտություն է հայտնել Ռուսաստանի վարչապետին՝ հատուկ տեխնիկա տրամադրելու համար: Հիշեցնենք, որ հրդեհի օրերին վարչապետն Աստանայում էր, որտեղ առանձնազրույց էր ունեցել Մեդվեդեւի հետ ու քննարկել տնտեսականից բացի այլ խնդիրներ, ինչպես ասվում է պաշտոնական հաղորդագրության մեջ:
Վարչապետն այս օրերին որեւէ կերպ չերեւաց, խորհրդակցություն չանցկացրեց հրդեհի կապակցությամբ, թեեւ դա իր անմիջական տիրույթում էր: Նա Աստանայից մեկնեց Մոսկվա՝ ծննդյան օրը նշելու, այնտեղից էլ Արցախ՝ կարճատեւ արձակուրդ: Իր գրառմամբ Կարեն Կարապետյանը կարծես ակնարկում է, որ չնայած դրան՝ ձեռքերը ծալած չի նստել ու Մեդվեդեւի հետ պայմանավորվել է հատուկ տեխնիկայի կապակցությամբ:

շարունակությունը՝ կայքում