«Ֆիլմի նկարահանումից օրեր առաջ բնակարանի բնակիչն ինքնասպան եղավ»․ Հայկ Բաբայան

Mamul.am / Այն բնակարանում, որտեղ պետք է նկարահանվեր երիտասարդ ռեժիսոր Հայկ Բաբայանի «Նոկտյուրն» կարճամետրաժ ֆիլմը, նկարահանումներից օրեր առաջ տան բնակիչն ինքնասպան եղավ: Հատկանշական է, որ ֆիլմը հենց ինքնասպանությունների մասին էր: Ողբերգական դեպքից հետո ֆիլմի նկարահանումներն ամիսներ շարունակ հետաձգվեցին, ռեժիսորն ստիպած եղավ նոր վայր ընտրել ֆիլմի նկարահանման համար, բայց կատարված ողջ ազդեցությունը մնաց:

«Դա ամենաանսպասելի բանն էր, որ իմ կյանքում պահատեց»,- MAMUL.am-ի թղթակցի հետ զրույցում ասաց ռեժիսորը:
«Տարիներ շարունակ այդ թեման իմ մեջ կուտակված էր: Ինչ որ ժամանակ ուսումնասիրությունների արդյունքում, երբ իմացա, թե ինչքան համաշխարհային դեմքեր են ինքնասպան եղել, հետաքրքրեց՝ ո՞նց կարող է աշխարհին հոգեվերլուծություն սովորեցնող մարդն ինքնասպան լինել. Ֆրեյդ, Կլեոպատրա, Հուդդա, այս շարքն անվերջանալի է, և ինչ-որ հետաքրքիր բան կա այստեղ»,- նշեց Հայկ Բաբայանը: Նրա խոսքով` այդ բնակարանում ինքնասպան եղած կինն իր ճանաչած ամենահավասարակշռված մարդն էր.

«Նրան ճանաչողը կմտածեր, որ աշխարհում բոլորը կարող են ինքնասպան լինել` բացի իրենից: Ինքնասպանության պատճառն այդպես էլ չբացահայտվեց, նա շատ ապահովված մարդ էր, ընտանիք ուներ, ոչ ֆինանսի խնդիր ուներ, ոչ մի բանի: Առեղծված մնաց այդ պատմությունը»,- պատմեց ռեժիսորը:
Ֆիլմում գլխավոր հերոսին մարմնավորում է Սոս Ջանիբեկյանը: Հայկի խոսքով` մինչև նրան ընտրելը, շատ թեկնածուներ են եղել: «Բայց վերջին կանգառը եղավ Սոսը և չեմ փոշմանել դրա համար: Շատ լավ ստացվեց մեր համագործակցությունը»,- նշեց մեր զրուցակիցը:

«Ամբողջ ֆիլմի գաղտնիքը թաքնված է մի դրվագում, որտեղ Սոսը խաղող է ուտում: Խաղողն, իհարկե սիմվոլիկ է: Հասկանում ենք, որ հենց այդ խաղողն է մարդուն պահում: Հերոսը պատրաստվում է ինքն իրեն կրակել, երբ աչքին ընկնում է սեղանին դրված խաղողը և միանգամից սկսում է խժռել այն: Եթե չապրես, դու կորցնելու ես համը, իսկ համը կորցնելը դա ամեն ինչը կորցնելու պես մի բան է»,- պարզաբանեց ռեժիսորը:
«Ֆիլմի նկարահանումից օրեր առաջ այդ բնակարանի բնակիչն ինքնասպան եղավ». Հայկ Բաբայան
«Ֆիլմի նկարահանումից օրեր առաջ այդ բնակարանի բնակիչն ինքնասպան եղավ». Հայկ Բաբայան

Ֆիլմի տևողությունը 5 րոպե է: Հայկ Բաբայանի խոսքով` կարճամետրաժ ֆիլմերի ցուցադրությունը դժվար է կազմակերպել: Սակայն, ռեժիսորը նպատակ ունի այն ներկայացնել տարբեր փառատոնների շրջանակներում:

մանրամասն՝ կայքում