Գործընթացն արագանում է. ինչ է տեսել վարչապետը Ղարաբաղում

Լրագիր / Արցախում արձակուրդն անցկացնող Կարեն Կարապետյանն Արցախի վարչապետ Արայիկ Հարությունյանի հետ այցելել է Թալիշ, Մատաղիս: Նրանց ուղեկցել է նաեւ Արցախի անվտանգության խորհրդի քարտուղար, գեներալ Վիտալի Բալասանյանը:
Կարեն Կարապետյանն իր եռօրյա արձակուրդն անցկացնում է Արցախում, բայց փաստացի այն վերածել է յուրօրինակ այցի, որի ընթացքում Կարապետյանը եղել է նաեւ Քարվաճառում, մասնակցել այնտեղ ջրի շշալցման գործարանի հիմնարկեքին: Թալիշ եւ Մատաղիս այցելության ընթացքում Կարեն Կարապետյանը հեռադիտակով ծանոթանում էր նաեւ Մարտակերտի շրջանի այն փոքր հատվածի հետ, որն Արցախի առաջին պատերազմից հետո մնացել է ադրբեջանական վերահսկողության տակ:
Փաստացի, Կարեն Կարապետյանի արձակուրդը վերածվում է գործնականում ռազմա-քաղաքական ճանաչողական այցի: Բանն այն է, որ Արցախը, կամ «ղարաբաղյան խնդիրը» դիտվում է Կարապետյանի «աքիլեսյան գարշապարը» 2018-ի վարչապետի պաշտոնի համար դիմակայությունում: Կարապետյանը, կամ Կարապետյանները՝ ներառյալ նրա գործընկեր, միլիարդատեր Սամվել Կարապետյանը, ունեն ֆինանսական ահռելի ռեսուրս: Սերժ Սարգսյանը չունի այդ ռեսուրսը, բայց Հայաստանին պետք են ներդրումներ, շատ ներդրումներ: Սերժ Սարգսյանը սակայն ունի «ղարաբաղյան խնդրի» ահռելի փորձ եւ ակնառու է, որ ինչքան մոտենում է 2018-ի ապրիլը, Սարգսյանն այդքան փորձում է ավելի աշխույժ ու ընդգծված խաղարկել այդ խաղաքարտը:

շարունակությունը՝ կայքում