Տեսանյութ / Վանաձորի ճոպանուղին քանդում են
Բաց մի թողեք«ՀԺ» / Այսօր Լոռու մարզկենտրոն Վանաձոր քաղաքի ճոպանուղու շենքը սկսել են ապամոնտաժել: Տարածքում ծանր տեխնիկա է աշխատում, քանդվում է կիսախարխուլ շենքը: «Լոռի թիվի» հեռուստաընկերության խմբագիր Նարինե Ավետիսյանը ֆեյսբուքյան իր էջում ուղիղ եթերով ներկայացրել է, թե ինչպես են շենքը քանդում:
Տարածքում քանդման աշխատանքներին մասնակցող երիտասարդներից մեկը պնդում էր, որ քանդումն իրականացնում է «Տրիոշին» ընկերությունը: Armtimes.com-ին հայտնի դարձավ, որ «Տրիոշին» սահմանափակ պատասխանատվությամբ ընկերությունը հիմնադրել է ՀՀԿ-ական Արտյոմ Գրիգորյանը՝ 2012 թվականին: Գրիգորյանը մասնակցել է նաեւ 2016 թվականի ՏԻՄ ընտրություններին եւ ընտրվել Վանաձորի ավագանու անդամ, որից հետո դարձել է փոխքաղաքապետ:
Նարինե Ավետիսյանի ահազանգից հետո շինհրապարակ են եկել ոստիկանության Վանաձոր քաղաքի Բազումի բաժնի պետը, Հելսինկյան քաղաքացիական ասամբլեայի Վանաձորի գրասենյակի ղեկավար իրավապաշտպան Արթուր Սաքունցը: Ոստիկանության ներկայացուցիչը անմիջապես պահանջեց դադարեցնել քանդման աշխատանքները, որոնք իրականացնողները պնդում էին թե ճոպանուղու շենքը համայնքային սեփականություն չի եւ քանդման թույլտվությունն իրենք ստացել են Երեւանից:
Վանաձորի ՀՀԿ-ական քաղաքապետ Մամիկոն Ասլանյանից փորձեցինք տեղեկություն ստանալ, թե ինչ է կատարվում քաղաքի ճոպանուղու տարածքում, արդյո՞ք շենք-շինությունները համայնքային սեփականություն են, թե՞ ոչ, սակայն Ասլանյանի հեռախոսահամարն անջատված էր: Վերջինիս մամուլի խոսնակ Դինարա Մխոյանը մեր զրույցում ասաց, որ եւ ինքը եւ քաղաքապետն արձակուրդում են, եւ առաջարկեց մեր հարցերը գրավոր ուղարկել:
մանրամասն՝ կայքում
1
2
3
4
5
1
2
3
4
5
1
3
4
