Նոր մանարամասներ Շշերի Մելոյի հետ տեղի ունեցած դեպքից
Հասարակություն
Ինչպես ավելի վաղ տեղեկացրել էինք` Ազգային ժողովի պատգամավորին պատկանող գործարանում «օրենքով գողը» շշով հարվածել է պատգամավորի գլխին. նրա աշխատակիցներն էլ ծեծել են տվել գողին ու նրա համակիրներին:
Մի խումբ անձինք, ովքեր հանցագործ աշխարհի ներկայացուցիչներ են եղել, այցելել էին Ազգային ժողովի պատգամավոր, հանրությանն ավելի շատ հայտնի «Շշերի Մելո» մականվամբ Մելիք Մանուկյանի աշխատավայր և առաջարկել, որպեսզի պատգամավորը իրենց ասած մարդուց ընդունի գործարանին անհրաժեշտ հումքը:
Սակայն ԱԺ պատգամավորը մերժել էր նրանց առաջարկը, որը հետո վերածվել էր փոխադարձ վիրավորանքներ արտահայտելուն, իսկ հետո հանցագործ աշխարհի ներկայացուցիչներից մեկը, ով «օրենքով գող» է, պատգամավորի սեղանին դրած շշով հարվածել էր պատգամավորի գլխին: Ու մինչ «գողականները» կփորձեին գործարանից դուրս գալ, գործարանի աշխատակիցները ծեծել էին նրանց:
Operativ.am-ի տեղեկություններով` դեպքը տեղի է ունեցել 1 ամիս առաջ: ԱԺ պատգամավորին շշով հարվածողը քրեական հեղինակություն ազատանցի Պետոն է եղել, ով օշականցի Գևորիկի և Զապի մտերիմ ընկերն է, ինչպես նաև գեներալ Օգանովսկու սանիկը:
Զայրացած օրենքով գողերը իրենց ընկերոջ համար խոստացել են Շշերի Մելոյի հետ հաշվեհարդար տեսնել: Իր սանիկի պատիվը պաշտպանելու է շտապել նաև Ղարաբաղի գեներալ Օգանովսկին:
1
2
3
4
5
1
4
1
3
4
