Աբրահամ Խաշմանյանը կարծում է, որ «Ալաշկերտ»-ը վատ հանդես չեկավ
Սպորտ
Չեմպիոնների լիգայի որակավորման մրցաշարի «Ալաշկերտ»-«Դինամո» խաղից հետո լրագրողների հետ հանդիպեց երևանյան ակումբի գլխավոր մարզիչ Աբրահամ Խաշմանյանը:
«Ալաշկերտ»-ի գլխավոր մարզիչը բարձր է գնահատում այն հաջողությունները, որին հասել է այս պահին: Մարզչի խոսքով, 3-րդ փուլում հանդես գալու համար դեռ հայկական ֆուտբոլը պետք է աշխատի:
«Ալաշկերտ»-ի բյուջեն պետք է մեծանա: Եթե ուզում ենք բարձրակարգ ֆուտբոլիստներ հրավիրել: Եթե ուզում ենք գոնե երրորդ փուլ անցնել, դա է պետք: Այսօր սա առավելագույնն էր: Մենք չենք կարող նման թիմերի դեմ պայքար մղել: Կայունության համար պետք են բարձրակարգ լեգիոներներ, պետք է տեղացիներին նոր մակարդակի հասցնել, պետք է շարունակական աշխատանք»,- նշեց Աբրահամ Խաշմանյանը:
Աբրահամ Խաշմանյանը խոսեց նաև Հայաստանի մեկնարկելիք առաջնությունում թիմից սպասելիքների մասին:Մարզիչի խոսքով՝ սպասելքիները միշտ ամենամեծն են,և իրենք ձգտելու են հաջողության հասնել:
«Իմ թիմը խաղալու է չեմպիոնությունն ու գավաթը նվաճելու համար: Բայց այս մակարդակի վրա ավելին անելը անհնար է: Մեր ակումբային ֆուտբոլում ամենահայտնի մարզիչներին էլ հրավիրեն, միևնույն է ոչինչ չի փոխվի: Ես խոսում եմ գլոբալ փոփոխությունների մասին»,- ասաց Աբրահամ Խաշմանյանը:
Աբրահամ Խաշմանյանի կարծիքով՝ համակարգային բարեփոխումները դրական ազդեցություն կունենան հայկական ֆուտբոլի վրա:
1
2
3
4
5
1
2
4
5
1
2
3
4
5
