ՌԴ բարձրաստիճան պաշտոնյային գտել են մահացած
Աշխարհ
Սուդանում Ռուսաստանի դեսպանին մահացած են գտել երկրի մայրաքաղաք Խարթումի իր նստավայրում, գրում է Ռիա Նովոստին:
Ռուսաստանի արտաքին գործերի նախարարությունը հաստատել է լուրը: «Ցավով հաղորդում ենք, որ օգոստոսի 23-ին Խարթումում վախճանվել է Սուդանում Ռուսաստանի դեսպան Միրգահաս Շիրինսկին: Խարթումում ռուսական դեսպանության աշխատակիցներից մանրամասը տեղեկություններ ստանալուց անմիջապես հետո կհայտնենք մեր գործընկերոջ մահվան հանգամանքների մասին»,- նշված է ՌԴ ԱԳՆ տարածած մամուլի հաղորդագրության մեջ:
Սուդանում Ռուսաստանի դեսպանատան մամուլի քարտուղար Սերգեյ Կոնյաշինի խոսքով, դեսպանի մահվան պատճառը կարող է լինել սրտի հետ կապված խնդիրը: «Այս պահին պաշտոնապես պատճառը հայտնի չէ, բայց եթե հաշվի առնենք արտաքին նշանները, որոնք նկատել է բժիշկը, կարել է խոսել սրտի հետ կապված որոշ խնդիրների մասին: Ինֆարկտ էր, կամ ինսուլտ»,- ասել է Կոնյաշինը:
Ավելի վաղ Խարթումիի ոստիկանության պաշտոնական ներկայացուցիչը հայտնել էր, որ դեսպանին մահացած են գտել լողավազանում եւ առանց բռնության հետքերի: Լողավազանի ջուրն արդեն ստուգվել է. այն թունավորված չի եղել:
Շիրինսկին Սուդանում ռուսական դիվանագիտական առաքելությունը ղեկավարում էր 2013 թվականից:
1
2
3
4
5
1
2
3
4
5
2
4
