Սամվել Կարապետյանի նոր կարգավիճակը Հայաստանում

Լրագիր / Հայաստանի բարձրավոլտ էլեկտրացանցեր ընկերությունը, որ պետական ընկերություն է եւ ռազմավարական նշանակության ենթակառուցվածք, հավատարմագրային կառավարման է հանձնվելու Տաշիր կապիտալ ընկերությանը, որը պատկանում է ըստ Ֆորբսի ներկայում ամենահարուստ հային՝ ռուսաստանցի միլիարդատեր Սամվել Կարապետյանին:
Բարձրավոլտ էլեկտրացանցերը կլինեն էներգետիկ համակարգի երկրորդ խոշոր ենթակառուցվածքը, որը կտնօրինի Սամվել Կարապետյանը: Առաջինը նա ոչ միայն տնօրինում է, այլ սեփականատերն է: Էլեկտրիկ Երեւանից հետո ռուսական Ինտեր ՌԱՈ ընկերությունը, որ բաշխիչ էլցանցը հասցրել էր գրեթե աղետալի վիճակի, վաճառեց այն Սամվել Կարապետյանին, որը ցանցերը գնեց նախ օֆշորային ընկերությամբ, իսկ բոլորովին վերջերս էլ օֆշորային ընկերությունից այն փոխանցեց Տաշիր կապիտալին, այսինքն մի գրպանից ցանցերը դրեց մյուս գրպանը:
Ընդհանրապես, Հայաստանի ռազմավարական նշանակության օբյեկտներից եւ ընդհանրապես տնտեսությունից ինչքա՞ն բան կտեղավորվի Սամվել Կարապետյանի գրպաններում:
Սամվել Կարապետյանը նախընտրական շրջանում վարչապետ Կարեն Կարապետյանի հետ ստեղծեց Հայաստանի ներդրողների ակումբը, որը պետք է ներդրումներ կատարի Հայաստանում: Գործնականում ռուսաստանցի երեք տասնյակ հայ գործարար ներառող այդ ակումբի այսպես ասած առանցքը եւ լոկոմոտիվը Սամվել Կարապետյանն է:
Եթե Հայաստանի տնտեսության մեջ նրա ներկայության շրջանակները շարունակեն ավելանալ այն դինամիկայով, որ կա այժմ, ապա Կարապետյանը շատ շուտով կդառնա ընդհանրապես Հայաստանի տնտեսության առանցքը, կամ պարզապես Հայաստանի տնտեսությունը:

շարունակությունը՝ կայքում