Ի՞նչը չի կարելի քննարկել ընկերուհիների հետ

7. Սեքսը
Այն, ինչ տեղի է ունենում քո ննջասենյակում (խոհանոցում, հյուրասենյակում, կարեւոր չէ՝ որտեղ), պետք է մնա ննջասենյակում։ Երբեք, ԵՐԲԵՔ ընկերուհիներին չպետք է պատմել ինտիմ կյանքի մանրամասները։

Միայն սարսափելի չէ, որ քո զուգընկերը կարող է ձեր ինտիմ կյանքի մասին լսել ուրիշներից, այլ նաեւ անհարմար է։ Ոչ ոք չի ցանկանում լսել, թե որքան լավը կամ վատն է քո սեքսը։ Իսկ ինտիմ կյանքը պետք է գաղտնիք մնա նույնիսկ մտերիմ ընկերուհուց։

6. Վեճերը

Մեզ պետք է մեկը, որը մեզ կլսի, երբ վատ ենք զգում։ Սակայն ձեր վեճերի մանրամասներն ընկերուհիներին պատմելը հաստատ լավագույն գաղափարը չէ։ Մի քանի օր անց ձեր միջեւ ամեն ինչ կհարթվի, իսկ ընկերուհիները մանրամասն կհիշեն վեճն ու նորից կհիշեցնեն ձեզ։ Զույգերը վիճում են, դա շատ նորմալ է։ Ի վերջո, եթե իսկապես ամեն ինչ վատ է, վիճելու պարագայում շոկոլադ կերեք կամ հոգեբանի դիմեք։

5. Ֆինանսական խնդիրներ

Հիշեցնում եմ՝ միայն դու կարող ես այնպես անել, որ ընկերուհիներդ հարգեն քո ընկերոջը։ Եթե քո տղամարդը ֆինանսական խնդիրներ ունի, մի՛ շտապիր այդ մասին պատմել ընկերուհիներիդ։ Չէ՞ որ դա ոչ միայն քեզ շահամոլ մարդ կդարձնի, այլեւ կհեղինակազրկի քո ընկերոջը։ Ավելի լավ է աջակցիր նրան, խրախուսիր՝ ֆինանսական խնդիրները լուծելու հարցում։

4. Քո զուգընկերոջ անձնական խնդիրները

Երբեք մի՛ քննարկիր քո տղամարդու անձնական խնդիրները ընկերուհիներիդ հետ։ Եթե նրա ընտանիքում ինչ-որ բան է պատահել, դա քո մեջ պահիր, չէ՞ որ նա եւ նրա ընտանիքը, վստահել են քեզ։ Եթե նրանք իմանան, որ դու իրենց գաղտնիքը պատմում ես ուրիշներին, կարող են հիասթափվել եւ պարզապես կսկսեն չվստահել քեզ։

3. Նրա նախկինները

Ինչու՞ է պետք ընկերուհիներիդ հետ քննարկես քո զուգընկերոջ նախկին ընկերուհիներին։ Հազիվ թե, ցանկանաս դրական որեւէ բան հայտնել, ամենայն հավանականությամբ, «ոսկորները լվանալու» ցանկություն է ծագում։ Համաձայնի՛ր, եթե քո զուգընկերն իմանա, նա դրանից հիացած չի լինի։

2. Հեկեկալ

Եթե ընկերուհիներիդ արցունքների համար որպես բաճկոն օգտագործես շատ հաճախ, ամենայն հավանականությամբ նրանք քեզ խորհուրդ կտան բաժանվել զուգընկերոջիցդ։ Չէ՞ որ նրանք տեսնում են, որ նրա հետ դու քեզ վատ ես զգում, տխրում ես։

Ինչպիսի խնդիրներ էլ որ ծագեն սիրելիիդ հետ, առաջին հերթին սովորիր դրանք քննարկել հենց նրա հետ։

1. Համեմատություն

Ընկերուհիների հետ զրույցում քո զուգընկերոջը մյուսների հետ մի համեմատիր։ Ցանկացած հարաբերություններում վերելքներն ու անկումները հաջորդում են միմյանց։ Սակայն դա չի նշանակում, որ ամեն անգամ պետք է վազես ընկերուհուդ մոտ եւ չափազանցնելով պատմես, թե որքան էր քո նախկին զուգընկերն ավելի լավը ներկա ընկերոջիցդ։ Դա ոչ մի լավ բանի չի հանգեցնի։