Մարտահրավեր Վլադիմիր Գասպարյանին. ինչ պատասխան կհետևի

Առաջին / Անցած գիշեր՝ 02:50-ի սահմաններում, ՀՀ ոստիկանությունը Մասիսի հիվանդանոցից ահազանգ է ստացել այն մասին, որ սուր-կտրող վնասվածքներով իրենց մոտ է տեղափոխվել ոստիկանության Երևան քաղաքի վարչության պարեկապահակային ծառայության գնդի հրամանատարի տեղակալ, ոստիկանության մայոր Հակոբ Մկրտչյանը:

shamshyan.com կայքի տեղեկություններով՝ դեպքը տեղի է ունեցել Նորագավիթում. Հ. Մկրտչյանը փորձել է կանխել բռնկված վիճաբանությունը և դանակահարվել է։ Նրան Մասիսի հիվանդանոց է տեղափոխել եղբայրը. պարզվել է, որ նա գտնվում է ծայրահեղ ծանր վիճակում։ Վիրահատությունը տևել է մի քանի ժամ, և բժիշկները հեռացրել են փայծաղը և վիրահատել են թոքը։ Անկախ այն հանգամանքից, թե ինչքանով է իրականությանը համապատասխանում առաջ քաշված վարկածը` տեղի ունեցածը մարտահրավեր է ոստիկանությանը, ոստիկանության պետ Վլադիմիր Գասպարյանին, որովհետև ստացվում է, որ երկրում այնպիսի քրեածին վիճակ է, որ թիրախ են դառնում արդեն ոչ միայն քրեական ռազբորկաների մասնակիցները, դեպքի վայրում հայտնված քաղաքացիներ, այլ նաև` ոստիկանության պատասխանատու աշխատակիցը, սպան:

Մյուս կողմից` արդեն ակնհայտ է, որ ՊՊԾ-ն թերևս ոստիկանության «աքիլեսյան գարշապարն» է, որովհետև նրա տարածքն անցյալ տարի հայտնվեց «Սասնա ծռեր»-ի ռազմական հեղաշրջման թիրախում, անցած գիշեր նույն այդ գնդի հրամանատարի տեղակալը ծանր վիճակում տեղափոխվում է հիվանդանոց: Սա, իհարկե, առանձին քննարկման թեմա է, իսկ գլոբալ հետևությունն այն է, որ ոստիկանությունը չի կարողանում վերահսկել երկրի քրեածին վիճակը, պատշաճ պայքար մղել հանցավորության դեմ: Մյուս կողմից` սա այն նույն ոստիկանությունն է, որ անցած տարիներին որոշակիորեն բարեփոխվել է և էֆեկտիվ գործում էր` նույնիսկ քաղաքացիների սոցիալական հուզումների ժամանակ լրացնելով պետական մյուս մարմինների բացերը: Շատերը ստեղծված վիճակը պայմանավորում են 2018-ի իշխանության խնդրի անորոշությամբ: Հայաստանի պետական համակարգն ակնհայտորեն պատրաստ չէ նման լարվածության և Խոսրովի անտառի հրդեհն էլ բացահայտեց, որ պետական բոլոր մարմինների գործողություններում առկա են անկառավարելիության, քաոսի, սաբոտաժի էլեմենտներ: Ոստիկանության պարագայում` ընդհանուր քաղաքական անորոշությանը գումարվում է ծառայության, նրա աշխատակիցներից շատերի ծառայողական հեռանկարի անորոշության հանգամանքը:

շարունակությունը՝ կայքում