Ինքնասպան եղած աղջիկը ոչ թե 20, այլ 17 տարեկան էր․ նոր մանրամասներ

Երևան քաղաքի Կիևյան կամրջից օգոստոսի 24-ին նետված աղջիկը հիվանդանոցում մահացել է:
Ավելի վաղ ԱԻՆ լրատվական ծառայությունը հայտնել էր, որ օգոստոսի 24-ին, ժամը 16:02-ին ահազանգ է ստացվել, որ Երևան քաղաքի Կիևյան կամրջից քաղաքացին ցած է նետվել Հրազդան գետը, և ջրի հոսքը նրան քշում է: Մինչ փրկարարների՝ կանչի վայր հասնելը, մոտ 20 տարեկան աղջիկը տեղի ուժերով դուրս էր բերվել գետից և տեղափոխվել հիվանդանոց:
hayeli.am-ի տեղեկություններով աղջիկը ոչ թե 20 տարեկան էր, այլ՝ 17:
Մահացած Տաթև Սիմոնյանը սովորում էր ավագ դպրոցում, ուներ բարձր առաջադիմություն:
Կայքի լուրերով, նա ապրում էր հասարակ ընտանիքում, ուներ ավագ եղբայր (երկու երեխա էին՝ ինքը և եղբայրը):
Ողբերգական դեպքը տեղի է ունեցել օգոստ․ 24-ին՝ ժամը 16:00-ի սահմաններում․ աղջիկը տնից դուրս է եկել 15:00-ի կողմերը:
Նշենք նաև, որ դեպքից երկու օր առաջ ընտանիքը նշել էր Տաթևի հոր 50-ամյակը։ Նա ունեցել է շատ բարձր և ուրախ տրամադրություն:
Ինքնասպանության մասին դեռևս մանրամասներ հայտնի չեն: