Հեշտոցային ատրոֆիան տարածված, բայց բուժվող վիճակ է, որը հեշտոցային պատի ստենոզ է առաջացնում:
Սա կարող է խնդիր լինել ցանկացած տարիքի կնոջ համար, բայց ավելի շուտ սպառնում է ապրումներ ունեցող կամ դաշտանադադար ապրող կանանց:
Ծխող կանայք, կանայք, ովքեր երբեք երեխա չեն ունեցել կամ սեքս չունեն, նույնպես ենթակա են այս ռիսկին:
Հեշտոցային ատրոֆիա կարող է առաջանալ նաև կանանց դեպքում, ովքեր բուժվել են կրծքագեղձի քաղցկեղից, հատկապես հորմոնալ դեղամիջոցներով:
Ընդհանուր ախտանիշերն են՝ արտազատումներ, այրոց, քոր, դժվար միզում, ցավ սեքսի ժամանակ:
Պարբերաբար օրգազմերը ինչպես զուգընկերոջ հետ սեքսի ժամանակ, այնպես էլ՝ ձեռնաշարժության, կարող են փաստացի վերացնել տհաճ ախտանիշերը:
Սեքսի ժամանակ արյան շրջանառության ակտիվացումն ավելացնում է թթվածնի անցումը հեշտոց, ինչը նշանակում է, որ այն պակաս ենթակա է բորբոքման, բարակության կամ չորության:
Եթե բջիջները բավականաչափ թթվածին չեն ստանում, չեն կարողանում հեռացնել հյուսվածքի մեռած բջիջները, ինչը կարող է բորբոքում առաջացնել, հետո՝ հեշտոցային ատրոֆիա:
EnterTrain-ը ներկայացնում է հեշտոցային ատրոֆիայի հիմնական ախտանիշերը՝
- Չորություն
- Այրոց, հատկապես միզելիս
- Արտազատումներ
- Քոր
- Շտապ միզելու ցանկություն
- Միզուղիների վարակներ
- Անպահություն
- Թեթև արնահոսություն սեքսից հետո
- Անհարմարություն սեքսի ժամանակ
- Չորություն սեքսի ժամանակ
- Հեշտոցի կարճացում կամ ձգում
Հեշտոցային ատրոֆիան սովորաբար պայմանավորված է կանացի սեռական հորմոն էստրոգենի արտադրության նվազումով: Այն կարգավորում է դաշտանային ցիկլը և վերահսկում է ձվազատումը:
Նաև պատասխանատու է հեշտոցի պատի հաստացման համար, կարգավորում է արտազատումները: Ուստի էստրոգենի արտադրության դադարի դեպքում հեշտոցի պատերը կարող են բարակել և չորանալ:
Կարելի է հեշտոցային խոնավեցնող միջոցներ օգտագործել չորության բուժման և սեքսուալ կյանքի լավացման համար: Գուցե պետք լինի խոնավեցնող քսուք քսել 2-3 օրը մեկ, բայց արդյունքը սովորաբար ավելի երկար է տևում, քան քսանյութինը:
Քսանյութ օգտագործվում է հիմնականում մեղմացման և հաճելի սեքսի համար: Քսուքներ կարելի է հեշտոցի մեջ ամեն օր քսել՝ հյուսվածքը վերականգնելու համար:
Եթե վիճակը չի բարելավվում, բժիշկները խորհուրդ են տալիս էստրոգեններով թերապիա: Կարող են նաև էստրոգենի հաբեր խորհուրդ տալ:
1
2
3
4
5
1
2
3
4
5
1
2
3
4
5
