«Պետք է պատրաստ լինել․ խաղաղապահներ են տեղակայվելու»

«Առաջին լրատվական»-ի զրուցակիցն է միջազգայնագետ Սուրեն Սարգսյանը։

-Պարոն Սարգսյան, Հայաստանում ԱՄՆ դեսպան Միլսը «Ազատություն» ռադիոկայանին հարցազրույց է տվել և անդրադարձել դեսպան Հոգլանդի հայտարարություններին։ Նշել է, որ ԱՄՆ-ն պատրաստ է գործիքներ տրամադրել Հայաստանին՝ ինքնիշխան որոշուներ կայացնելու համար։ Այս փուլում Վաշինգտոնի համար Հայաստանն ինչո՞վ է կարևոր։

-Այս տարածաշրջանում բացի Հայաստանից, Վրաստանից, Ադրբեջանից կան այլ լուրջ խաղացողներ ևս՝ ի դեմս Իրանի, որն ԱՄՆ-ի թշնամին է, Թուրքիայի, որը Միացյալ Նահանգների դաշնակիցն է և ՆԱՏՕ անդամ է։ Այս առումով ակնհայտ է, որ Միացյալ Նահանգներն այստեղ ունի լուրջ հետաքրքրություններ և տրամաբանական է, որ շատ լուրջ ներգրավվածություն կարող է լինել տարածաշրջանային բոլոր գործընթացներում։ Միացյալ Նահանգները համաշխարհային գերտերություն է՝ դրան բնորոշ բոլոր բաղադրիչներով հանդերձ։

-Ըտս Ձեզ՝ ի՞նչ գործիքների մասին է ակնարկում դեսպան Միլսը, ի՞նչ կարող է անել ԱՄՆ-ը Հայաստանի կախվածությունը Ռուսաստանից թուլացնելու և ինքնիշխան որոշումներ կայացնելու համար։

-Իրականում բարդ է ասել, թե ինչ գործիքակազմի մասին էր խոսում դեսպանը և թե հստակ ինչ նկատի ուներ։ Այստեղ մի բան է ակնհայտ՝ Հայաստանը փոքր պետություն է և բոլորին է հասկանալի, որ փոքր պետություններն իրենց արտաքին քաղաքականությունն իրականացնելիս ունենում են լուրջ խնդիրներ։ Մանավանդ Հայաստանի նման երկիրը, որը գտնվում է մի այնպիսի տարածաշրջանում, որտեղ գերտեությունների շահերը բախվում են։ Փոքր պետություններին դժվար է դիմակայել քաղաքական և տնտեսական այն ճնշումներին, որոնց նա ենթարկվում է գերտերությունների լարված հարաբերությունների պատճառով։ Հիմա ես կարծում եմ, որ դեսպանը շատ ավելի գլոբալ մոտեցում է մատնանշում։ Նորից եմ ասում՝ Հայաստանը փոքր պետություն է և ակնհայտ է, որ արտաքին քաղաքականության առումով բոլորն էլ կցանական, որ Հայաստանն ունենա ինչ-ինչ քաղաքական ուղենիշներ։ Ենթադրենք Իրանը կցանկանա Հայաստանի վրա ճնշումներ բանեցնել այս հարցում, Միացյալ Նահանգները այն հարցում, Թուրքիան այն, Ռուսաստանը մեկ այլ։ Բավականին բարդ է լինել փոքր պետություն և բնական է, որ ինքնուրույն արտաքին քաղաքականություն իրականացնելը բարդ է։ Դեսպանը այս ամենի մասին է խոսել և ես չեմ կարծում, որ այս հայտարարության կոնկրետ հասցեատեր կարող ենք դիտել Ռուսաստանին, որովհետև նույն տրամաբանությամբ կարող ենք դիտել նաև տարածաշրջանային այլ խաղացողներին։

շարունակությունը՝ կայքում