Նոր մանրամասներ․ «Կայարանցի Բիբոսի» մոտ մեծ գումար է եղել. նա իր ընկերուհուն էր պատանդ վերցրել
Հասարակություն
Երեւան քաղաքի Էրեբունի վարչական շրջանում գտնվող «Weekend» բիլիարդ ակումբում պատանդ վերցված աղջիկը եղել է Գոռ Հակոբյանի ընկերուհին: Այս մասին armtimes.com-ի թղթակցի հետ զրույցում պատմել են ականատեսները: Մինչ ոստիկանների կողմից տղամարդու վնասազերծումը վերջինս բիլիարդ-ակումբի գույքը նետել է փողոց: Ակումբի պատուհանները կոտրվել են նրա կողմից: Բիլիարդ ակումբը մի քանի ամիս առաջ էր բացվել:
Թղթակցին հայտնի դարձավ, որ իրավապահները վնասազերծված տղամարդու մոտից մեծ չափի գումար են հայտնաբերել: Այժմ բիլիարդ ակումբի ներսում քրեագետներն են աշխատում, ակումբին հարող տարածքը հսկվում է ոստիկանների կողմից, ժապավենով փակվել է Ռոստովյան փողոցի մի մասը:
Հայտնի դարձավ, որ վնասազերծված Գոռ Հակոբյանի հայրը բնակվում է ԱՄՆ-ում, նա հայտնի է «Կայարանցի Բիբոս» մականվամբ: Ավելի վաղ հայտնել էինք, որ Գոռ Հակոբյանը վերջրս էր արտաքսվել ԱՄՆ-ից:
Հիշեցնենք, որ աղջկան պատանդ պահած տղամարդը սպառնացել է սպանել նրան, որից հետո իրավապահները դիպուկահարից արձակված կրակոցով վնասազերծել են նրան: Էրեբունի բժշկական կենտրոն տեղափոխվելու ճանապարհին տղամարդը մահացել է:
1
2
3
4
5
1
2
3
4
5
2
4
5
