Անկանխատեսելի իրավիճակում ինքնատիրապետումը պահպանելը խիստ անհրաժեշտ է: EnterTrain-ը ներկայացնում է մի պատմություն այն մասին, թե ինչպես երիտասարդ աղջիկը իր կամային հատկանիշների շնորհիվ ելք գտավ անսպասելի իրավիճակում:
20-ամյա ուսանողուհի Ջորդան Դինսմորը աշխատանքից հետո տուն էր վերադառնում, երբ պատահեց անսպասելին. սենյակում, որտեղ ապրում էր Ջորդանը, նրան սպասում էին անծանոթ մարդիկ:
Երեք տղա ատրճանակի սպառնալիքով վերցրին նրա իրերը և որոշեցին փախչել հենց նրա մեքենայով: Սակայն չկարողացան ավտոմեքենան տեղից շարժել, քանի որ փոխանցումների տուփը մեխանիկական էր, և նրանք չգիտեին դրա օգտագործման եղանակը: Եվ նրանք որոշեցին աղջկան՝ որպես վարորդի, ավտոմեքենայի հետ փախցնել:
Ավտոմեքենային չհասած՝ տղաներց մեկը փախավ: Աղջկան տարօրինակ թվաց նրա այդ պահվածքը, ավելի ուշ նա հասկացավ, որ նրանք անչափահասներ էին: Նրանք պահանջեցին գնալ բենզալցակայան, որտեղ աղջիկը պետք է իր գումարով բենզին լցներ: Ճանապարհին նրանք քննարկում էին, որ վատ չէր լինի աղջկան օգտագործել իրենց սեռական հաճույքները բավարարելու համար:
Հենց այդ ժամանակ Ջորդանը հասկացավ, որ պետք է ինչ-որ կերպ փրկվել, և հիշեց իր մոր խոսքերը: Բանն այն է, որ նրա մայրը երիտասարդ տարիքում քիչ էր մնացել բռնության զոհ դառնար, բայց կարողացել էր փրկվել: Նա իր աղջկան ասել էր, որ նման իրավիճակում պետք է մինչև վերջ պայքարել:
Ջորդանը որոշեց, որ այնքան ուժեղ կլինի, ինչպես իր մայրը: Նա բանկոմատից գումար հանեց և ղեկին վերադառնալով՝ չկապեց ամրագոտիները: Ճանապարհ դուրս գալով՝ նա անսպասելիորեն բացեց դուռը և իրեն դուրս գցեց ավտոմեքենայից:
Աղջիկը փորձեց մեքենա կանգնեցնել: Նրան օգնություն ցուցաբերեցին: Այժմ Ջորդանը ժպիտով է խոստովանում, որ ցավում է, որ մեքենայից դուրս ցատկելիս չի տեսել իրեն փախցնողների դեմքերը:
Ավելի ուշ ոստիկանները երեք տղաներին էլ ձերբակալեցին: Պարզվեց, որ նրանք15-17 տարեկան էին, և դա նրանց առաջին հանցագործությունը չէր:
1
2
3
4
5
3
4
5
2
4
5
