Արևելքի սեքսուալ մշակույթը, ի տարբերություն եվրոպականի, հիմնված է այլ սկզբունքների վրա, որոնցից են մերկ մարմնի պաշտամունքը կամ զգայական հաճույքի երկրպագումը:
Բոլորին է հայտնի, որ այնպիսի երկրներում, ինչպիսիք են Ճապոնիան, Չինաստանը, Հնդկաստանը, Նեպալը, սեքսուալությունը դիտվում է ոչ այնքան որպես արվեստ, որքան որպես գիտություն: Սեքսը այդ երկրներում ոչ այդքան նպատակ է, որքան հոգու ճանապարհ և զարգացում: EnterTrain-ը առաջարկում է ծանոթանալ արևելյան որոշ երկրների սեքսուալ մշակույթին:
Չինաստան
Չինաստանում սեքսի հանդեպ վերաբերմունքի վրա մեծ ազդեցություն է ունեցել հնագույն փիլիսոփայությունը, որը կնոջը դիտել է որպես «երկրորդ կարգի» էակ: Այժմ ևս չինացիների հայացքները կրում են վառ հակաֆեմինիստական բնույթ: Կինը դասվում է ավելի ցածր դիրքում, քան տղամարդն է: Հնուց ի վեր Չինաստանում գնահատվում է կնոջ մաքրությունը, հավատարմությունը՝ հատկանիշներ, որոնք կարևոր են ընտանեկան կյանքում, երեխաների դաստիարակության գործում: Չինական ընտանիքում փոխադարձ հարգանք և հոգատարություն է տիրում: Ժամանակակից Չինաստանում, ինչպես հնում, բացասական վերաբերմունք կա կնոջ մերկ մարմնի նկատմամբ: Ոչ ավանդական սեքսը Չինաստանում անբարոյականություն է համարվում և խիստ քննադատության է արժանանում: Չինացիների 95 տոկոսը սեքսից հաճույք չի ստանում և չգիտի, թե ինչպես հաճույք պատճառի զուգընկերոջը:
Ճապոնիա
Ակտիվ սեռական կյանքը միշտ էլ ճապոնական մշակույթի մաս է կազմել, ճապոնացիները մինչ այժմ առաջնորդվում են մարմնական սիրո մասին հնագույն գրքերի խորհուրդներով: Ճապոնական սեքսուալ խաղին բնորոշ է ծիսական սկիզբը: Կինը դանդաղ հավաքում է մազերը և ամրացնում հերակալներով. նա հատուկ ցուցադրում է իր պարանոցի հետևի մասը, որը, ըստ ճապոնացիների, շատ էրոտիկ տեսք ունի: Ճապոնացի զույգերը սովորաբար լռակյաց են: Բարակ թղթե միջնապատերով փոքրիկ փայտե տնակներում սեքսով զբաղվող զույգերը աշխատում են չխանգարել մյուսներին: Ճապոնիայում բոլոր նորապսակներին նվիրում են սեքսի տարբեր դիրքեր պատկերող նկարներով հարուստ գիրք: Գիրքը, ավանդույթի համաձայն, դրվում է բարձի տակ, որպեսզի հիասքանչ ամուսնական գիշերը երաշխավորված լինի:
Հնդկաստան
Այլ երկրներից Հնդկաստան ժամանած կանանց պարզապես ցնցում է տեղաբնակ տղամարդկանց մերկացնող հայացքները. այստեղից էլ «սեքսի սիրահար» հնդիկների մասին առասպելը: Իրականում հնդիկ տղամարդը դաստիարակված է այնպես, որ նա պարտավոր է կնոջ հանդեպ հեռավորություն պահպանել և նրան վերաբերվել որպես իր քրոջ կամ մոր: Բանն այն է, որ հնդիկ կանայք գրեթե անհասանելի են, այդ պատճառով էլ նրանք այդպիսի ցանկասեր աչքերով են նայում օտարերկրյա կանանց: Հնուց ի վեր Հնդկաստանում սեքսին հոգևոր նշանակություն է տրվում: Այն հնում դասվել է սուրբ ծիսակատարությունների շարքին: Հնդիկները համարում են, որ սեքսը աստվածահաճո արարողություն է: Հնդկաստանում մինչամուսնական սեքսը պատժելի է, սակայն պատիժը վերաբերում է միայն կանանց: Իսկ «Կամասուտրան» սովորեցնում է, որ սեքսուալ կատարելության կարելի է հասնել միայն ամուսնական կյանքում:
Թաիլանդ
Թաիլանդում սեքսը երբեք էլ արգելված պտուղ չի դիտվել, երեխաները դրա մասին տեղեկանում են 8-10 տարեկանում: Թաիլանդցի յուրաքանչյուր տղամարդու համար պարտադիր է մենաստանի կյանքի հետ շփման կուրսը. այդ ավանդույթին հետևում են և թագավորը և նրա սպասավորները: Միայն այդ կուրսը անցնելուց հետո նրանց թույլատրվում է ամուսնանալ: Ավանդաբար թաիլանդցին մեկ կին է ունենում, թեպետ քաղաքում գոյություն ունի վարձակների ոչ օրինական ինստիտուտ: Երկրորդ կանանց մասին սովորաբար իմանում են հիմնական կանայք: Համարվում է, որ եթե տղամարդը «կրտսեր կին» ունի, պարտավոր է նրա մասին հոգ տանել: Թաիլանդցի կնոջ գլխավոր կանոնը տղամարդուն հաճույք պատճառելն է՝ կանխագուշակելով նրա ցանկությունները:
1
2
3
4
5
1
2
3
5
1
4
