Հենրիխ Մխիթարյանին նոր մականունով են ներկայացնում Ռումինիայում
Սպորտ
Ռումինական ամենահեղինակավոր մարզական թերթը՝ «Gazeta»-ն բավականին լայնածավալ անդրադարձ է կատարել Հենրիխ Մխիթարյանին՝ նրան համարելով մրցակցի ամենավտանգավոր ֆուտբոլիստը:
«Gazeta»-ն Մխիթարյանին վերնագրում նշել է որպես «Ասիստյան»՝ ընդգծելով այն փաստը, որ հայ կիսապաշտպանը վերջերս շատ հաճախ է դառնում գոլային փոխանցումների հեղինակ: Մասնավորապես, Պրեմիեր լիգայի այս առաջնության 3 խաղում 5 արդյունավետ փոխանցում է կատարել: Առանձնացվել են նաև Զլատան Իբրահիմովիչի և Ժոզե Մոուրինյոյի գովեստի խոսքերը Մխիթարյանի մասին: Մասնավորապես, շվեդ ֆուտբոլիստը հայտարարել էր, որ սա լինելու է Հենրիխի մրցաշրջանը:
Թերթում ֆուտբոլիստի լուսանկարի կողքին նշված է, որ հենց այս ֆուտբոլիստն է «Մանչեսթեր Յունայթեդի» կազմում Եվրոպա լիգայի եզրափակչում գրավել «Այաքսի» դարպասը: Նաև անդրադարձ է կատարվել նրան, որ Հենրիխի հայրը՝ Համլետ Մխիթարյանն էլ եղել է ֆուտբոլիստ և խաղացել Ֆրանսիայում: Ուշադրության են արժանացել նաև Մխիթարյանի ելույթները՝ թվերի տեսքով: Մասնավորապես, հայկական ֆուտբոլի առաջատարն իր կարիերայի ընթացքում ակումբային մակարդակում նվաճել է 18 տիտղոս, իսկ Հայաստանի հավաքականի կազմում մասնակցել 64 հանդիպման և դարձել 22 գոլի հեղինակ:
1
2
3
4
5
1
2
4
5
1
2
3
4
5
