Հայկական դիրքերից ինչ հեռավորության վրա են կիսվում Ռուսաստանն ու Ադրբեջանը

Լրագիր / Պաշտոնական Երեւանը թեեւ ոչ առանձնահատուկ հայտարարության միջոցով, բայց առանձին պաշտոնյաների տեսակետների շարադրմամբ անդրադառնում է Ադրբեջանին վաճառված անօդաչու հարվածային թռչող սարքերի աղմկոտ պատմությանը, ասելով, որ դա Իսրայելի հեղինակության հարցն է, եւ Թել-Ավիվը պետք է հետամուտ լինի ամբողջական բացահայտմանը: Խոսքն այն աղմուկի մասին է, որ ծագեց իսրայելական մամուլում հրապարակված տեղեկությունից հետո, որ անօդաչու հարվածայիններ վաճառող իսրայելական ընկերության ղեկավարները Ադրբեջանի պահանջով սարքերը փորձարկել են հայկական դիրքերի վրա:
Իսրայելի պաշտպանության նախարարությունը հայտարարել է քննության մասին: Քննության շրջանակում էլ դադարեցվել է անօդաչուների վաճառքը Ադրբեջանին, ժամանակավորապես, մինչ քննությունը կպարզի ինչ որ բան:
Այդ աղմուկը ծագեց Հայաստան Իսրայելի տարածքային գործակցության նախարարի այցից հետո: Դա հայ-իսրայելական աննախադեպ մակարդակի շփում էր, թեեւ նախարարին Հայաստանում ընդունեցին ԱԳ նախարարի եւ վարչապետի մակարդակով, իսկ Սերժ Սարգսյանը գնաց արձակուրդ: Ինչու՞ Սերժ Սարգսյանը չհամաձայնեց ընդունել իսրայելցի նախարարին, դժվար է ասել: Դա որոշակի դեմարշ էր, սակայն ո՞րն էր նպատակը: Արդյոք Երեւանին ավելի վաղ էր հայտնի անօդաչուների պատմությունը, թե՞ կային այլ խնդիրներ: Իսկ իսրայելցի նախարարը եկել էր Երեւանին բացատրություն տալու՞, հնարավոր աղմուկը կանխարգելելու եւ հարթելու՞ համար, թե՞ այդ աղմուկը հրապարակ հանվեց հայ-իսրայելական որեւէ պայմանավորվածության խանգարելու համար:

շարունակությունը՝ կայքում