Քեանու Ռիվզի ողբերգական սերը

Հենց Ռիվզը հայտնվեց Հոլիվուդում, թե չէ, նրան անմիջապես սկսեցին շրջապատել կանայք։ Սակայն, նա միշտ բավական լրջորեն էր վերաբերվում աղջիկ ընտրելուն։ Երեկույթներից մեկի ժամանակ նա հանդիպում է դերասանուհի Ջենիֆեր Սայմին։ Ջենիֆերը հետաքրքրված չէր նրանով, հենց դա գրավեց դեռեւս իր կարիերայում առաջին քայլերն անող երիտասարդի ուշադրությունը։ Նրանց սիրավեպը զարգանում էր, սակայն ամուսնության մասին դեռեւս խոսք չկար։ 1999 թվականին Ջենիֆերը հղիացավ։ 2000-ին պետք է ծնվեր նրանց աղջիկը, որի անունն արդեն որոշել էր երջանիկ զույգը, սակայն տեղի ունեցավ անսպասելին, մինչեւ ծննդաբերելը պարզվեց` երեխայի սիրտը կանգ է առել ու նա մահացել է։ Ջենիֆերը չդիմացավ այդ հարվածին, չնայած Քիանուն մշտապես նրա կողքին էր ու փորձում էր ամեն կերպ օգնել սիրելիին։ Ջենիֆերը տարվեց թմրանյութերով եւ ալկոհոլով։ Մեկ տարի անց նա մահացավ ավտովթարից։ Քիանուն չհասցրեց նրան հրաժեշտ տալ․․․․:

Այսպիսի ողբերգությունից հետո Քիանուն ավելի ինքնամփոփ դարձավ։ Նա դժվարությամբ էր հավատում, որ պետք է ապրի սիրելիի կորստի ցավն այնպես, ինչպես «Քաղցր նոյեմբեր» ֆիլմի իր հերոսը։ Երկար ժամանակ նա շարունակում է մենակ մնալ, հետագայում Սանդրա Բալոկը խոստովանել է, որ փորձել է գայթակղել դերասանին «Տունը լճի ափին« ֆիլմի նկարահանումների ժամանակ։ Քիանուն եւ Սանդրան կարճատեւ սիրավեպ են ունենում։ Սրտակեր դերասանը մի քանի սիրավեպեր է ունեցել տարբեր դերասանուհիների հետ, սակայն դրանցից ոչ մեկը ամուսնության չի հասել։ Քիանու Ռիվզը արդեն 50-անց տղամարդ է, առաջվա պես հմայիչ, եւ առաջվա պես միայնակ․․․

Նյութը` «Հրապարակ»-ի