«Երբ Բալասանյանին քննադատում են, ես հանգստանում եմ»․ Վահրամ Բաղդասարյան
Քաղաքականություն«Առաջին»-ը գրում է․
ՏԻՄ ընտրություններից հետաքրքիր իրավիճակ է ստեղծվել հատկապես Վանաձորում և Գյումրիում:
Վանաձորում «Սեզամ- գազ» ՍՊԸ-ի տնօրեն Արմեն Մխոյանը 10 տոկոս զեղչեր է անում՝ հօգուտ հանրապետականի քվեարկելու դիմաց, նույնիսկ անվճար գազ է բաժանում. մամուլում հրապարակված այս տեղեկության վերաբերյալ ՀՀԿ խմբկցության ղեկավար Վահրամ Բաղդասարյանն ասաց, որ դա ստահոդ հայտարարություն է. «Դրանք բոլորը նախընտրական հնարքներ են. հին ոչնչից չեն ցանկանում հրաժարվել որոշ քաղաքական ուժեր կամ քաղաքական գործիչներ: Մենք Ընտրական օրենսգրքի շուրջ այս գրեթե երկու տարվա քննարկումների ընթացքում հայտարարում ենք, որ պետք է բոլորս քաղաքական կամք դրսևորենք, որպեսզի ունենանք այնպիսի Ընտրական օրենսգիրք, և այնպիսի ընտրություններ, որ անխոցելի լինեն և ընդունվեն և՛ հանրության, և՛ միջազգային կառույցների, և՛ քաղաքական ուժերի կողմից, և մենք գնում ենք այդ ճանապարհով: Որոշ քաղաքական ուժեր, իրենց ռեսուրսները նկատի ունենալով, արդեն իսկ հող են ստեղծում ընտրություններից առաջ մրոտելու ընտրությունների ընթացքը, որպեսզի հետո ասելիք ունենան, որովհետև իրենք արդեն կանխատեսում են իրենց արդյունքները:
Չկա նման երևույթներ, խիստ քաղաքական որոշում է եղել, որ ընտրություններում որևէ այլ գործիք չպետք է օգտագործվի, բացի իրենց հնարավորություններն ու մարդկային ռեսուրսները, և այդ ոճով է շարժվում մեր թեկնածուն՝ Մամիկոն Ասլանյանը, որը քաղաքականության մեջ չմրոտված անձնավորություն է: Եվ ընդդիմադիրները, նկատի ունենալով այդ թեկնածուի անխոցելի լինելը, այլ հնարքների են դիմել: Դրանք բացարձակապես ստահոդ հայտարարություններ են: Մենք այդ մեխանիզմներով ընտրության չենք գնալու. ՏԻՄ ընտրությունները ընտրությունների հայելին են»:
ՀՀԿ խմբակցության ղեկավարը նշեց, որ առաջիկա ՏԻՄ ընտրություններից ակնկալիքն այն է, որ առաջին հերթին անցկացվեն թափանցիկ և հանրության կողմից ընկալելի ընտրություններ: «Ես չեմ գերագնահատում մեր ուժերը, մեծամտություն չեմ ցանկանում ցուցաբերել, բայց ՀՀԿ-ն հատկապես Գյումրիում և Վանաձորում, համոզված եմ, հասնելու է հաջողության»:
Անդրադառնալով դիտարկմանը, որ Գյումրիում որտեղ ՀՀԿ-ն աջակցելու է Սամվել Բալասանյանին, ՀՀԿ-ի մի մասն այնքան էլ ոգևորված չէ նրա թեկնածությամբ, Վ. Բաղդասարյանը նշեց. «Երբ քննադատությունները շատե ն լինում Ս. Բալասանյանի վերաբերյալ, ես դրանից ավելի եմ հանգստանում, որովհետև ուժեղին են միշտ քննադատում»:
ՀՀԿ խմբակցության ղեկավարը նշեց նաև, որ ՀՀԿ-ն ընտրակաշառքի մեխանիզմներ կիրառելով չի առաջ շարժվելու, և նման «արջի ծառայություն» մատուցողները օրենքի սահմաններում կպատժվեն:
Մանրամանսերը՝ տեսանյութում:
1
2
3
4
5
1
2
4
5
2
