Հոգեբանները պնդում են, որ «անձնականի» պակասը կարող է շատ խնդիրների պատճառ լինել: Նույնիսկ սիրահարները համբուրվում են փակ աչքերով, որովհետև այդպիսով հաջողում են պահպանել անձնական տարածքի պատրանքը: Յուրաքաչյուր մարդու համար կենսականորեն անհրաժեշտ անձնական մարմնական տարածքը բաժանվում է հինգ պայմանական հատվածների: EnterTrain-ը ներկայացնում է այդ տարածքները:
1. Փակ տարածք՝ 0-15 սմ, որտեղ թույատրվում է մուտք գործել եզակի մարդկանց: Պատահում է, որ այդ փակ տարածք մուտք չունեն անգամ ծնողները կամ ամուսինը: Եթե դուք ձեզ հարմարավետ եք զգում երկար ժամանակ մարմնական շփման մեջ, ուրեմն դուք մտել եք միմյանց փակ տարածք: Իսկ եթե դուք ձեր ամուսնական կյանքում ձգտում եք յուրաքանչյուրդ մահճակալի ձեր հատվածը զբաղեցնել, ուրեմն ձեր շփումը ինտիմ է:
2. Ինտիմ տարածք՝ 15սմ-50սմ: Այնտեղ մուտք ունեն միայն մտերիմ մարդիկ և հարազատները:
3. Անհատական տարածք՝ 50սմ-1,5մ: Այդ տարածքը նաև կոչում են վստահելի շփման տարածք. հենց այդ տարածության վրա են շփվում միմյանց համակրող մարդիկ:
4. Սոցիալական տարածք՝ 1.5մ-4մ: Այս տարածքը ենթադրում է կողմնակի մարդկանց հետ շփումը: Դա է պատճառը, որ ցանկացած մարդու համար սթրես է լիքը տրանսպորտով երթևեկելը կամ սուպերմարկետներում հրվելը:
5. Հասարակական տարածք՝ 4 մետրից սկսած: Դա մեծաքանակ լսարանի առջև ելույթ ունենալու նվազագույն տարածքն է:
Բացի անձնական մարմնական տարածքից, գոյություն ունեն նաև անձնական առարկայական տարածք(սիրած բաժակը կամ սեղանի մոտ ձեր տեղը), անձնական բնակելի տարածք (տարածք, որտեղ հնարավոր է առանձնանալ), անձնական տեղեկատվական տարածք (նամակագրություն, հեռախոսային խոսակցություն, ձեր մասին ցանկացած տեղեկատվություն), անձնական հուզական տարածք (գաղտնի պահվող հոգեկան ապրումներ), անձնական ժամանակ (ձեզ վրա ծախսվող ժամանակը):
1
2
3
4
5
1
2
3
4
5
1
2
3
4
5
